መዝሙር ዳዊት

ቀዳማይ መጽሓፍ

1  2  3  4  5  6  7  8  9
10  11  12  13  14  15
16  17  18  19  20  21
22  23  24  25  26  27
28  29  30  31  32  33
34  35  36  37  38
39  40  41

ናብ ካልኣይ መጽሓፍ፥ 42 — 72
ናብ ሳልሳይ መጽሓፍ፥ 73 — 89
ናብ ራብዓይ መጽሓፍ፥ 90 — 106
ናብ ሓምሳይ መጽሓፍ፥ 107 — 150

ዝ/መዛ.   ብ/ኪ   ሓ/ኪ

        1ይ መዝሙር።
            

     ^1-2ብምኽሪ   ረሲኣን   ዘይመላለስ፡

ኣብ   መገዲ   ሓጥኣን   ከኣ   ዘይቀውም፡

ኣብ   መንበር   መላገጽቲ   ድማ   ዘይቅመጥ፡

ብሕጊ   እግዝኣብሄር   ደኣ   ዝፍሳህ፡

ነቲ   ሕጉውን   ለይትን   መዓልትን፡

ዝመራምሮ   ሰብሲ   ብጹእ   እዩ።

³ንሱ   ኸምታ   ፍሬአ   በብግዜኣ   እትህብ፡

ቈጽላ   ኸኣ   ዘይረግፍ፡   ኣብ   ወሰን   ወሓዚ   ማይ  

እተተኽለት   ኦም   ይኸውን።

ዝገብሮ   ዅሉውን   ይሰልጦ።

     ⁴እቶም   ረሲኣን   ከምቲ   ንፋስ   ዝብትኖ

ብቑብቑ   እዮም   እምበር፡   ከምዚ   ኣይኰኑን።

^5-6ንመገዲ   ጻድቃንሲ   እግዚኣብሄር   ይፈልጣ   እዩ፡

መገዲ   ረሲአን   ግና   ኽትጠፍእ   እያ   እሞ፡

ስለዚ   ረሲኣን   ኣብ   ፍርዲ፡

ሓጥኣንውን   ኣብ   ማሕበር   ጻድቃን   ኣይክቘሙን   እዮም።

ዝ/መዛ.   ብ/ኪ   ሓ/ኪ

        2ይ መዝሙር። 
           

     ¹ስለምንታይ   እዮም   ኣህዛብ   ጫውጫው   ዝብሉ፡

ህዝብታትሲ   ከንቱ   ዝሓስቡ፧

^2-3ነገስታት   ምድሪ   ይትንስኡ፡   መሳፍንቲ   ኸኣ   ሓቢሮም፡

ንመቓውሖም   ንስበሮ፡

ንማእሰሪኦምውን   ካባና   ንደርብዮ፡

ኢሎም   ኣብ   እግዚኣብሄርን   ኣብ   መሲሁን   ይመኽሩ።

     ⁴እቲ   ኣብ   ሰማይ   ዝነብር   ይስሕቆም፡   ጐይታ   የላግጸሎም።

⁵ሽዑ   ብዅራኡ   ይዛረቦም፡

ብነድሩ   ኸኣ   የፈራርሆም፡

⁶ኣነ   ኣብ   ጽዮን   ኣብ   ቅዱስ   ከረነይ

ንጉሰይ   ሸምኩ፡   ይብል።

⁷እቲ   ምዱብ   ምኽሪ   እነግር   ኣሎኹ፡

እግዚኣብሄር   በለኒ፡   ንስኻ   ወደይ   ኢኻ፡

ኣነ   ሎሚ   ወለድኩኻ።

⁸ኣህዛብ   ንርስትኻ፡

ወሰናት   ምድሪ   ኸኣ   ንጥሪትካ   ኽህበካስ፡   ለምነኒ።

⁹ብበትሪ   ሓጺን   ክትቅጥቅጦም፡

ከም   ኣቕሓ   ሰራሕ   መሬት   ከኣ   ክትሰባብሮም   ኢኻ።

     ¹⁰እምበአርሲ   ኣቱም   ነገስታት፡   ለብሙ፡

ኣቱም   ፈራዶ   ምድሪውን፡   ተኣረሙ።

¹¹ንእግዚኣብሄር   ብፍርሃት   ኣገልግልዎ፡

ብረዓድ   ከኣ   ተሓጐሱ።

¹²ኵራኡ   ቐልጢፉ   ይነድድ   እዩ   እሞ፡   ከይዅሪ፡

ኣብ   መገዲ   ኸሎኹም   ድማ   ከይትጠፍኡስ፡   ንወዱ   ስዓምዎ።

ኣብኡ   ዝምዕቈቡ   ዘበሉ   ዅሎም   ብጹኣን   እዮም።

ዝ/መዛ.   ብ/ኪ   ሓ/ኪ

        3ይ መዝሙር።  
          

ዳዊት   ካብ   ኣቤሴሎም   ወዱ   ኽሃድም   ከሎ   ዝዘመሮ   መዝሙር።

     ¹ዎ   እግዚኣብሄር፡   ጠቓዕተይሲ   ኽንደይ   ኰን   ይበዝሑ፡

ኣባይ   ዝለዓሉ   ብዙሓት   እዮም።

²ብዛዕባ   ነፍሰይ   ብዙሓት፡

ኣብ   ኣምላኽሲ   ምድሓን   የብሉን   ይብሉ   ኣለዉ።    ሴ?ላ

     ³ዎ   እግዚኣብሄር፡   ንስኻ   ግና   ኣብ   ዙርያይ   ዋልታ   ኢኻ፡

ክብረይን   ንርእሰይ   ልዕል   እተብላን   ንስኻ   ኢኻ።

⁴ብድምጸይ   ናብ   እግዚኣብሄር   ኤእዊ   ኣሎኹ።

ካብ   ቅዱስ   ከረኑ   ኸኣ   ይመልሰለይ።    ሴላ።

     ⁵ተገምሰስኩ   ደቀስኩውን፡

እግዚኣብሄር   ይድግፈኒ   ኣሎ   እሞ   ነቓሕኩ።

⁶ነቶም   ዚኸቡኒ   ኣእላፋት   ኣህዛብ   ኣይፈርሆምን   እየ።

     ⁷ንምንጋጋ   ዅሎም   ጸላእተይ   ወቒዕካዮ፡

ነስናን   ረሲኣን   ሰባቢርካዮ   ኢኻ   እሞ፡

ዎ   እግዚኣብሄር፡   ተንስእ፡

ዎ   ኣምላኸይ፡   ኣድሕነኒ።

⁸ምድሓን   ናይ   እግዚኣብሄር   እዩ፡

በረኸትካ   ኣብ   ህዝብኻ   ይኹን።    ሴላ።

ዝ/መዛ.   ብ/ኪ   ሓ/ኪ

        4ይ መዝሙር።  
          

ንሊቀ   መዘምራን፡   ብንጊኖት፡   ናይ   ዳዊት   መዝሙር።

     ¹ዎ   ኣምላኽ   ጽድቀይ፡   ከእዊ   ኸሎኹ፡ምለሰለይ፡

ብጸበባ   ኣርሒብካለይ   ኢኻ፡

ደንግጸለይ   እሞ   ጸሎተይ   ስማዕ።

²ኣቱም   ደቂ   ሰብ፡   ክብረይስ   ኰን   ክሳዕ   መኣዝ   እዩ   ዝሓስር፧

ክሳዕ   መኣዝከ   ንኸንቱነት   ትፈትዉ፡

ሓሶትውን   ትደልዩ፧    ሴላ።

³እግዚኣብሄር   ግና   ነቲ   ደጊ   ኸም   ዝሓረዮ፡   ፍለጡ።

እግዚኣብሄር፡   ናብኡ   እንተ   ጠራዕኩ፡   ይሰምዕ   እዩ።

⁴ኰርዩ   እሞ   ኣይትኣብሱ፡

ኣብ   መደቀሲኹም   ልብኹም   መርምሩን

ስቕ   በሉን።    ሴላ።

     ⁵መስዋእቲ   ጽድቂ   ሰውኡ፡

ኣብ   እግዚኣብሄር   ድማ   ተወከሉ።

⁶ብዙሓት፡   ንሰናይ   መን   እዩ   ዘርእየና፧   ይብሉ   ኣለዉ።

ዎ   እግዚኣብሄር፡   ብርሃን   ገጽካ   ኣብርሃልና።

⁷ካብቲ   እቶም   እኽሎምን   ወይኖምን   ምስ   በዝሐ   ዝሕጐስዎ

ኣብሊጽካ   ኣብ   ልበይ   ሓጐስ   ኣንበርካ።

⁸ዎ   እግዚኣብሄር፡   ንስኻ   በይንኻ   ኢኻ   ብደሓን   እተሕድረኒ   እሞ፡

ብሰላም   እግምሰስን   እድቅስን   ኣሎኹ።

ዝ/መዛ.   ብ/ኪ   ሓ/ኪ

        5ይ መዝሙር።  
          

ንሊቀ   መዘምራን፡   ብንሂሎት፡   ናይ   ዳዊት   መዝሙር።

     ¹ዎ   እግዚኣብሄር፡   ንቓላተይ   ጽን   በሎ፡

ንሓሳባተይ   ኣስተውዕሎ።

²ናባኻ   እጽሊ   ኣሎኹ   እሞ፡

ዎ   ንጉሰይን   ኣምላኸይን፡   ንድምጺ   ጥርዓነይ   ኣድህበሉ።

     ³ዎ   እግዚኣብሄር፡   ኣንጊህካ   ንድምጸይ   ትሰምዖ   ኢኻ፡

ኣንጊሄ   ልበይ   ናባኻ   ኣቕኒዔ   ኤማዕዱ   ኣሎኹ።

⁴ብረሲእነት   ባህ   እትብል   ኣምላኽ   ኣይኰንካን   እሞ፡

እኩይ   ምሳኻ   ኣይሐድርን።

⁵ትዕቢተኛታት   ኣብ   ቅድሚ   ገጽካ   ኣይቈሙን፡

ንገበርቲ   እከይ   ዘበሉ   ትጸልኦም።

⁶ሓሶት   ንዚዛረቡ   ተጥፍኦም።

እግዚኣብሄር   ንደመኛን   ንጠባርን   ይፍንፍኖም   እዩ።

     ⁷አነ   ግና   ብብዝሒ   ሳህልኻ   ናብ   ቤትካ   ኽአቱ፡

ብፍርሃትካ   ናብ   ቅድስቲ   መቕደስካ   ኣቢለ   ኽሰግድ   እየ።

⁸ዎ   እግዚኣብሄር፡   ብምኽንያት   ተጻናጸንተይ   ብጽድቅኻ   ምርሓኒ፡

ንመገድኻ   ኣብ   ቅድመይ   መድምዳ።

     ⁹ኣብ   ኣፎም   ቁም   ነገር   የልቦን   እሞ፡

ውሽጦም   ጥፍኣት፡ጐረርኦም   ክፉት   መቓብር   እዩ፡

ብመልሓሶም   የቀባጥሩ።

¹⁰ዎ   ኣምላኽ፡   ኰንኖም፡   ኣብ   ምኽሮም   ይውደቑ።

ካባኻ   ዐልዮም   እዮም   እሞ፡   ብብዝሒ   ኣበሳኦም   ኣባርሮም።

     ¹¹ኣባኻ   ዚዕቈቡ   ዅሎም   ግና   ይተሐጐሱ፡

ንስኻ   አጽሊልካዮም   ኢኻ   እሞ፡   ንዘለአለም   እልል   ይብሉ፡

ንስምካ   ዜፍቅርዎ   ድማ   ብኣኻ   ይፈስሁ።

¹²ንጻድቕ   ትባርኾ   ኢኻ   እሞ፡

ዎ   እግዚኣብሄር፡   ከም   ብዋልታ   ብጸጋ   ትኸቦ።

ዝ/መዛ.   ብ/ኪ   ሓ/ኪ

        6ይ መዝሙር።  
          

ንሊቀ   መዘምራን፡   ብንጊኖት፡   ብሸሚኒት   ናይ   ዳዊት   መዝሙር።

     ¹ዎ   እግዚኣብሄር፡   ብዅራኻ   ኣይትግንሓኒ፡

ብሓርቖትካ   ድማ   ኣይትቕጽዓኒ።

²ዎ   እግዚኣብሄር፡   ማህሚነ   እየ   እሞ፡   ምሐረኒ።

ዎ   እግዚኣብሄር፡   ኣዕጽምተይ   ተሸቢረን   እየን   እሞ፡   ኣጥዕየኒ።

     ³ነፍሰይውን   ኣዝያ   ተሸቢራ፡

ንስኻኸ፡   ዎ   እግዚኣብሄር   ክሳዕ   መአዝ፧

⁴ዎ   እግዚኣብሄር፡   ተመለስ፡   ንነፍሰይ   ኣናግፋ፡

ምእንቲ   ምሕረትካ   ኣድሕነኒ።

⁵ኣብ   ሞት   ዚዝክረካ   የልቦን   እሞ፡

ኣብ   ሲኦልከ   መን   እዩ   ዜመስግነካ፧

⁶ኣነ   ብእህህታ   ሰልክየ፡

ለይተ   ለይቲ   ንመደቀስየይ   ኤርሕሶ፡

ንመንጸፈይ   ብንብዓተይ   ኤጠልቅዮ   ኣሎኹ።

     ⁷ዓይነይ   ብሓዘን   ተባላሸወት፡

ብሰሪ   ዅላቶም   ተጻረርተይ   ትአርግ   ኣላ።

⁸እግዚኣብሄር   ንድምጺ   ብኽያተይ   ሰሚዕዎ   እዩ   እሞ፡

ኣቱም   ገበርቲ   እከይ   ኵላትኩም፡   ካባይ   ርሐቑ።

     ⁹እግዚኣብሄር   ንምህለላይ   ሰሚዕዎ፡

እግዚኣብሄር   ንጸሎተይ   ኪቕበሎ   እዩ።

¹⁰ኵላቶም   ጸላእተይ   ኪሐፍሩ፡   እምብዛ   ኺሽበሩ፡

   ንድሕሪት   ኪምለሱ፡   ብድንገት   ኪሐፍሩ   እዮም።

ዝ/መዛ.   ብ/ኪ   ሓ/ኪ

        7ይ መዝሙር።   
         

ዳዊት   ብዛዕባ   ቓላት   ኩስ   ብንያማዊ   ንእግዚኣብሄር   ዝዘመረሉ   መዝሙር።

     ^1-2ሰአን   ዘናግፈኒ፡   ጸላእየይ   ንነፍሰይ

ከም   ኣንበሳ   ኸይሰላልዓን   ከይምንጥላንሲ፡

ዎ   እግዚኣብሄር   ኣምላኸይ፡   ኣባኻ   ኣዕቁበ   እኔኹ፡

ካብ   ኵላቶም   ሰጐጕተይ   ኣድሕነንን   ኣናግፈንን።

³ዎ   እግዚኣብሄር   ኣምላኸይ፡   ከምኡ   ገይረ   እንተ   ዀይነስ፡

ኣብ   ኣእዳወይ   ዓመጽ   እንተ   ኣልዩ፡

⁴ነቲ   ምሳይ   ብሰላም   ዝነበረ

ኣብ   ክንዲ   ሰናይሲ   እኩይ   እንተ   ፈድየዮ፡

—   ኣነስ   እባ   ነቲ   ብዘይ   ምኽንያት

ጸላኢ   ዝዀነኒ   ደኣ   ኣናገፍክዎ፡

⁵እቲ   ጸላኢ   ንነፍሰይ   ይስጐጓን   የርክባን፡

ንህይወተይ   ኣብ   ምድሪ   ይርገጻ፡

ንኽብረይውን   ኣብ   ሓመድ   የዋርዶ።    ሴ?ላ

     ⁶ዎ   እግዚኣብሄር፡   ብዅራኻ   ተንስእ፡

ኣብ   ልዕሊ   ነድሪ   ተጻረርተይ   ተለዓል፡

ንስኻ   ፍርዲ   ኣዘዝካ፡   ንረዲኤተይ   ንቓሕ።

⁷ማሕበር   ህዝብታት   ይኽበብካ፡

ኣብ   ልዕሊኣ   ኣብ   በሪኽ   ተመለስ።

⁸እግዚኣብሄር፡   ንህዝብታት   ክፈርዶም   እዩ፡

ዎ   እግዚኣብሄር፡   ከም   ጽድቀይን   ከም   ንጽህናይን   ፍረደኒ።

     ⁹ንልብን   ኰላሊትን   እትምርምር   ጻድቕ   ኣምላኽ   ኢኻ   እሞ፡

ንኽፍኣት   ረሲኣን   ኣጥፍኣዮ፡

ንጻድቕ   ግና   ኣጽንዓዮ።

¹⁰ዋልታይ   ኣብ   ኣምላኽ   እዩ፡

ንሱ   ነቶም   ቅኑዕ   ዝልቦም   የድሕኖም።

     ¹¹ኣምላኽሲ   ጻድቕ   ፈራዲ፡

ዕለተ   ዕለት   ዝዅሪ   ኣምላኽ   እዩ።

¹²ሰብ   እንተ   ዘይተመልሰ፡   ሴፉ   ስሒሉ፡   ቀስቱ   ገቲሩ   የዝግበሉ።

¹³መሳርያ   ሞት   ድማ   ኣዳለወሉ፡

ንፍላጻታቱ   ኣርሰኖ።

     ¹⁴እንሆ፡   ንእከይ   የቕለሉ፡

ሕሰም   ጠኒሱ   ሓሶት   ይወልድ።

¹⁵ጒድጓድ   ኵዒቱስ   ኣዕመቛ፡

ናብታ   ዝዀዓታ   ጕድጓድውን   ወደቐ።

¹⁶ክፍኣቱ   ናብ   ርእሱ   ኽምለስ፡

ዓመጻኡውን   ናብ   ቅርቅርቱ   ኽወርድ   እዩ።

¹⁷ንእግዚኣብሄር   ከም   ጽድቁ   ኸመስግኖ፡

ነቲ   ልዑል፡   ንስም   እግዚኣብሄር፡   ክዝምረሉ   እየ።

ዝ/መዛ.   ብ/ኪ   ሓ/ኪ

        8ይ መዝሙር።  
          

ንሊቀ   መዘምራን፡   ብጌቲት፡   ናይ   ዳዊት   መዝሙር።

     ¹ዎ   እግዚኣብሄር፡   ጐይታና፡

ኣታ   ንግርማኻ   ኣብ   ሰማያት   ዝተኸልካዮ፡

ስምካስ   ኰን   ኣብ   ኵላ   ምድሪ   ኽንደይ   ግሩም   እዩ።

     ²ምእንቲ   ተቓወምትኻ

ነቲ   ጸላእን   ፈዳይ   ሕነን   ስቕ   ከተብሎ፡

ካብ   ኣፍ   ቈልዑን   ዝጠብውን   ሓይሊ   ኣዳሎኻ።

³ንሰማያትካ፡   ነቲ   ስራሕ   ኣጻብዕካ፡   ንስኻ   ዘቘምካዮም፡

ወርሕን   ከዋኽብትን   እንተ   ጠመትኩ፡

⁴እቲ   ንስኻ   እትዝክሮ   ሰብ፡

እቲ   እትሓልየሉ   ወዲ   ሰብሲ   እንታይ   እዩ፧

⁵ካብ   መላእኽቲ   ቕሩብ   ኣንኣስካዮ፡

ብኽብርን   ጌጽን   ከኣ   ኸለልካዮ።

⁶ኣብ   ልዕሊ   ግብሪ   ኣእዳውካ   ሸምካዮ፡

ንዅሉ   ኣብ   ትሕቲ   ኣእጋሩ   ጌርካዮ፡

⁷ንብዘለዋ   ዅላተን   ኣባጊዕን   ኣሓን፡

ንእንስሳታት   በረኻውን

⁸ነዕዋፍ   ሰማይን   ንዓሳታት   ባሕርን

ነቲ   ብመገድታት   ባሕሪ   ዝሓልፍ   ዘበለን።

     ⁹ዎ   እግዚኣብሄር   ጐይታና፡

ስምካስ   ኰን   ኣብ   ኵላ   ምድሪ   ኽንደይ   ግሩም   እዩ።

ዝ/መዛ.   ብ/ኪ   ሓ/ኪ

        9ይ መዝሙር።  
          

ንሊቀ   መዘምራን፡   ብሙት   ላቤን፡   ናይ   ዳዊት   መዝሙር።

     ¹ብምሉእ   ልበይ   ንእግዚኣብሄር   ከመስግኖ፡

ኵሉ   ተኣምራትካ   ኽነግር   እየ።

²ብኣኻ   ኽሕጐስን   ክፍሳህን፡

ዎ   ልዑል፡   ንስምካ   ኽዝምር   እየ።

     ³ጸላእተይ   ንድሕሪት   ምስ   ተመልሱ፡

ወደቑ፡   ካብ   ቅድሚ   ገጽካውን   ጠፍኡ።

⁴መሰለይን   ነገረይን   ወዳእካ   እሞ፡

ጻድቕ   ፈራዲ   ዄንካ   ኣብ   ዝፋን   ተቐመጥካ።

⁵ነህዛብ   ገናሕካዮም፡   ንረሲኣን   ኣጥፋእካዮም፡

ስሞም   ከኣ   ንዘለኣለም   ደምሰስካዮ።

⁶ጸላእቲ   ንሓዋሩ   ተጠሪሶም፡

ከተማታትሲ፡   መዘከርታአን   እኳ   ኽሳዕ   ዝጠፍእ፡   ዖንየን።

     ⁷እግዚኣብሄር   ግና   ንዘለኣለም   ነጊሱ   ይነብር፡

ዝፋኑ   ንፍርዲ   ኣዳለዎ።

⁸ንሱ   ንዓለም   ብጽድቂ   ኽፈርዳ፡

ንህዝብታትውን   ብቕንዕና   ኽዳንዮም   እዩ።

⁹እግዚኣብሄርሲ   ንጥቑዓት   እምባ፡

ብግዜ   ጸበባ   እምባ   እዩ።

¹⁰ዎ   እግዚኣብሄር፡   ንዝደልዩኻ   ኣይትሓድጎምን   ኢኻ   እሞ፡

እቶም   ንስምካ   ዝፈልጡ   ኣባኻ   ኽምዕቈቡ   እዮም።

     ^11-12እቲ   ሕነ   ደም   ዝፈዲ   ዘኪርዎም፡

ንኣውያት   ጥቑዓት   ከኣ   ኣይርስዖን   እዩ   እሞ፡

ነቲ   ኣብ   ጽዮን   ዝነብር   እግዚኣብሄር   ዘምሩሉ፡

ኣብ   ማእከል   ኣህዛብ   ግብርታቱ   ንገሩ።

^13-14ኣብ   ደጌታት   ጓል   ጽዮን   ብምድሓንካ   ኽፍሳህ፡

ምስጋናኻ   ምእንቲ   ኽነግርሲ፡   ዎ   እግዚኣብሄር፡

ነቲ   ብጸላእተይ   ዝረኽቦ   መከራ   ርኣዮ   እሞ፡

ኣታ   ኻብ   ደጌታት   ሞት   እትስሕበኒ፡   ደንግጸለይ።

     ¹⁵ኣህዛብ   ናብታ   ዝዀዓትዋ   ጒድጓድ   ጸደፉ፡

በቲ   ዝሓብእዎ   መፈንጠራ   ኸኣ   እግሮም   ተፈንጠረ።

¹⁶እግዚኣብሄር   ርእሱ   ኣፍለጠ፡   ጸድቂ   ገበረ፡

ረሲእ   ብግብሪ   ኢዱ   ተሓንኰለ።    ሂጋዩን።  ሴ??ላ።

¹⁷ረሲኣን፡   ንኣምላኽ   ዝርስዕዎ   ዅላቶም   ኣህዛብ፡

ናብ   ሲኦል   እዮም   ዝምለሱ።

¹⁸ድኻስ   ንሓዋሩ   ኣይክርሳዕን   እዩ   እሞ፡

ተስፋ   መስኪን   ንዘለኣለም   ኣይክጠፍእን   እዩ።

¹⁹ዎ   እግዚኣብሄር፡   ተንስእ፡   ሰብሲ   ኣይበርትዕ፡

   ኣህዛብ   ኣብ   ቅድሜኻ   ይፈረዱ።

²⁰ዎ   እግዚኣብሄር፡   ፍርሃት   ኣውድቐሎም፡

ኣህዛብሲ   ሰብ   ምዃኖም   ደኣ   ይፍለጡ።    ሴላ።

ዝ/መዛ.   ብ/ኪ   ሓ/ኪ

        10ይ መዝሙር።  
          

     ¹ዎ   እግዚኣብሄር፡   ስለምንታይ   ደኣ   እትርሕቕ፡

ብዘመናት   ጸበባስ   እትኽወል፧

^2-3ረሲእ   ብትምኒት   ልቡ   ይጀሃር፡

ንገፋዒ   ይምርቖ፡   ንእግዚኣብሄር   ይንዕቆ   ኣሎ   እሞ፡

ጥቑዕሲ   ብትዕቢት   ረሲእ   ይስቀ   ኣሎ፡

በቲ   ዝሓሰብዎ   ውዲት   ይተሓንኰሉ።

⁴ኵሉ   ሓሳባት   እቲ   ረሲእ፡   ኣምላኽ   የልቦን   እዩ፡

ብትዕቢቱ   ኸኣ፡   ኣይምርምርን   እዩ፡   ይብል   ኣሎ።

     ⁵መገድታቱ   ዅሉ   ግዜ   ይፍድፍዳ፡

ፍርድታትካ   ንእኡስ   ኣዝዩ   ልዕል   ዝበለ   እዩ።

ንዅላቶም   ተቓወምቱ   ጺቕ   ይብለሎም።

⁶ብልቡ፡   ከቶ   ኣይክናወጽን፡

ካብ   ወለዶ   ንወለዶ   ኽፉእ   ኣይመጸንን   እዩ፡   ይብል   ኣሎ።

⁷ኣፉስ   መርገምን   ጥልመትን   ዓመጻን   መሊኡ   እዩ፡

ኣብ   ትሕቲ   መልሓሱ   እከይን   ጥፍኣትን   ኣሎ።

⁸ኣብ   ናይ   ዓድታት   ሸጓሹጕ   የድቢ፡

ኣብ   ሕቡእ   ስፍራ   ንንጹህ   ይቐትሎ፡

ኣዒንቱ   ንመስኪን   ይስልያኦ።

⁹ከም   ኣንበሳ   ኣብ   ዱሩ   ኣብ   መሕብኢኡ   ይጻናቶ፡

ንመስኪን   ክዕምጥሮ   የድቢ፡

ንመስኪን   ብመጻወድያኡ   ስሒቡ   ይዕምጥሮ።

¹⁰ጕብጥ   ኢሉ   ይደንን፡

መሳኪን   ከኣ   ኣብ   መንጎ   ኣጽፋሩ   ይወድቁ።

¹¹ንሱ   ብልቡ፡   ኣምላኽ   ረሲዑ   ገጹ   ኸዊሉ፡

ከቶ   ኣይክርእዮን   እዩ፡   ይብል።

     ¹²ዎ   እግዚኣብሄር፡   ተንስእ፡

ዎ   ኣምላኽ፡   ኢድካ   ኣልዕል፡

ንጥቑዓት   ኣይትረስዓዮም።

¹³ስለምንታይ   ረሲእ   ንኣምላኽ   ዝንዕቆ፡

ብልቡ   ኸኣ፡   ኣይክትምርምርን   ኢኻ፡   ዝብሎ፧

¹⁴ንስኻ   ርኢኻዮ፡   ኣብ   ኢድካ   ምእንቲ   ኽትሕዞስ፡

ንጻዕርን   ሓዘንን   ተቕልበሉ   ኢኻ   እሞ፡

መስኪን   ንነገሩ   ናባኻ   ይውፍዮ፡

ረዳእ   ዘኽታም   ንስኻ   ኢኻ።

¹⁵ንቕልጽም   ረሲእ   ስበሮ፡

ንእኩይ፡   ረሲእነቱ   ኽሳዕ   ዘይትረኽባ፡   ኣጥፍኣዮ።

     ¹⁶እግዚኣብሄር   ንዘለኣለመ   ኣለም   ንጉስ   እዩ።

ኣህዛብ   ካብ   ምድሩ   ጸኒቶም   እዮም።

^17-18ዎ   እግዚኣብሄር፡   መሬታዊ   ሰብ   ንምግፋዕ   ከይቕጽል፡

ንዘኽታምን   ንጥቑዕን   ክትብይነሎምሲ፡   ነእዛንካ   ተድንነን፡

ንሃረርታ   ትሑታት   ትሰምዖ፡   ንልቦም   ተበርትዖ   ኢኻ።

ዝ/መዛ.   ብ/ኪ   ሓ/ኪ

        መበል 11 መዝሙር።   
         

ንሊቀ   መዘምራን፡   ናይ   ዳዊት   መዝሙር።

     ¹ኣብ   እግዚኣብሄር   ኣዕቁበ   ኣሎኹ፡

ከመይ   ደኣ   ንነፍሰይ፡

ከም   ዑፍ   ናብ   ከረንኪ   ህደሚ፡   እትብልዋ፧

²ንቕኑዓት   ልቢ   ብጸልማት   ምእንቲ   ኽውርውሩሎም፡

እንሆ፡   ረሲኣን   ቀስቶም   ይግትሩ፡

ንፍላጻኦም   ኣብ   መንትግ   የዝግብዎ።

³መሰረታት   እንድሕሪ   ፈሪሱ   ደኣ፡

እቲ   ጻድቕ   እንታይ   ክገብር   ይከኣሎ፧

     ⁴እግዚኣብሄር   ኣብ   ቅድስቲ   መቕደሱ   እዩ፡

ዝፋን   እግዚኣብሄር   ኣብ   ሰማያት   እዩ፡

ኣዒንቱ   ይጥምታ፡

ቈላሕታኡ   ንደቂ   ሰብ   ይዕዘባኦም   ኣለዋ።

⁵እግዚኣብሄር   ንጻድቕ   ይዕዘቦ፡

ንረሲእን   ንፈታው   ግፍዕን   ግና   ነፍሱ   ትጸልኦም።

^6-7እግዚኣብሄርሲ   ጻድቕ፡   ንጽድቂ   ዘፍቅር   እዩ፡

ቅኑዓትውን   ገጹ   ኽርእይዎ   እዮም   እሞ፡

ኣብ   ልዕሊ   ረሲኣን   ወጽመድ   ከዝንም፡

ዕድሎት   ጽዋኦም   ከኣ

ሓውን   ዲንን   ጕሁር   ንፋስን   ክኸውን   እዩ።

ዝ/መዛ.   ብ/ኪ   ሓ/ኪ

        መበል 12 መዝሙር።    
        

ንሊቀ   መዘምራን፡   ብሸሚኒት፡   ናይ   ዳዊት   መዝሙር።

     ¹ዎ   እግዚኣብሄር፡   ደጊ   ሰብ   ተሳኢኑ፡

ካብ   ማእከል   ደቂ   ሰብውን

እሙናት   ጠፊኦም   እዮም   እሞ፡   ኣድሕን።

²ነፍሲ   ወከፎም   ምስ   ብጻዩ   ሓሶት   ይዛረብ፡

ብዘቃባጥር   ከንፈርን   ብኽልተ   ልብን   ይዛረቡ   ኣለዉ።

     ^3-4እግዚኣብሄር   ንዅላተን   መቃባጠርቲ   ኸናፍርን

ነታ   ዕቡይ   ነገር   እትዛረብ   መልሓስን፡

ነቶም፡   ሳላ   መልሓስና   ንብርትዕ   ኣሎና፡

ከናፍርና   ናትና   እየን፡   መን   እዩኸ   ጐይታና፧

ዝብሉን   ክምንቁሶም   እዩ።

⁵ስለ   ምግፋዕ   ጥቑዓትን   ስለ   ልቕሶ   መሳኪንን   ሕጂ   ኽትንስእ፡

ነቲ   ዝናፍቖውን   ምድሓን   ከምጽአሉ   እየ፡   ይብል   እግዚኣብሄር።

⁶ቃላት   እግዚኣብሄር   ጽሩይ   ቃላት   እዩ፡

ብመምከኽ   መርየት   ዝጸረየ፡

ሾብዓተ   ሳዕ   እተዀልዐ   ብሩር   እዩ።

     ⁷ዎ   እግዚኣብሄር   ክትሕልዎም፡

ካብዚ   ወለዶ   እዝስ   ንዘለአለም   ክትዕቅቦም   ኢኻ።

     ⁸ብልሽውነት   ኣብ   ማእከል   ደቂ   ሰብ   ልዕል   እንተ   በለ፡

ረሲኣን   ኣብ   ኵሉ   ወገን   ይዞሩ።

ዝ/መዛ.   ብ/ኪ   ሓ/ኪ

        መበል 13 መዝሙር።            

ንሊቀ   መዘምራን፡   ናይ   ዳዊት   መዝሙር።

     ¹ዎ   እግዚኣብሄር፡   ክሳዕ   መአዝ   ኢኻ   ፈጺምካ   እትርስዓኒ፧

ክሳዕ   መአዝከ   ኢኻ   ገጽካ   ትኽውለለይ፧

²ክሳዕ   መአዝ   ብነፍሰይ   ክጭነቕ፡

ዕለተ   ዕለትሲ   ብልበይ   ክሐዝን   እየ፧

ጸላእየይከ   ኽሳዕ   መአዝ   እዩ   ዚዕብልለኒ፧

     ^3-4ዎ   እግዚኣብሄር   ኣምላኸይ፡   ጠምት   እሞ   ምለሰለይ።

ኣነ   ድቃስ   ሞት   ከይድቅስ፡

ጸላእየይ፡ስዒረዮ፡   ከይብል፡

እንተ   ተናወጽኩ፡   ተጻረርተይ   ከይፍስሁስ፡

ነዒንተይ   ኣብርሃየን።

     ⁵ኣነ   ግና   ብምሕረትካ   እውከል   ኣሎኹ፡

ልበይ   ብምድሓንካ   ይሕጐስ   ኣሎ።

⁶እግዚኣብሄር   ሰናይ   ገይሩለይ   እዩ   እሞ፡

ምስጋናኡ   ኽዝምር   እየ።

ዝ/መዛ.   ብ/ኪ   ሓ/ኪ

መበል 14 መዝሙር።            

ንሊቀ   መዘምራን፡   ናይ   ዳዊት   መዝሙር።

     ¹ዓሻስ   ብልቡ፡   ኣምላኽ   የልቦን፡   ይብል።

ብልሽዋት   እዮም፡   ፍንፉን   ግብሪ   ገበሩ፡

ሓደ   እኳ   ሰናይ   ዝገብር   የልቦን።

²ንእግዚኣብሄር   ዝደሊ   ለባም   እንተሎ   ኽርኢ   ኢሉስ፡

እግዚኣብሄር   ካብ   ሰማይ   ናብ   ደቂ   ሰብ   ጠመተ።

³ኵላቶም   ዘምቢሎም፡   ብዘለዉ   ዅላቶም   ረኺሶም፡

ገለ   ሰናይ   ዝገብር   የልቦን፡   ሓደ   እኳ   የልቦን።

     ⁴እዞም   ንህዝበይ   ከም   እንጌራ   ዝውሕጥዎ፡

ኣብ   እግዚኣብሄር   ዘይጠርዑ   ገበርቲ   እከይ   ኵላቶምሲ፡

ፍልጠትዶ   የብሎምን   እዮም፧

⁵እግዚኣብሄር   ኣብ   ወለዶ   ጻድቃን   እዩ   እሞ፡

እንሆ፡   ዓብዪ   ፍርሃት   ሒዝዎም።

     ⁶ንምኽሪ   ጥቑዕ   ተቋናጽብዎ   ኣሎኹም፡

ግናኸ   እግዚኣብሄር   መዕቈቢኡ   እዩ።

⁷ኣየ፡   ካብ   ጽዮን   ምድሓን   እስራኤል   እንተ   ዝመጽእ።

እግዚኣብሄር   ምርኮ   ህዝቡ   ኽመልስ   ከሎ፡

ሽዑ   ያእቆብ   ክሕጐስ፡   እስራኤልውን   ባህ   ክብል   እዩ።

ዝ/መዛ.   ብ/ኪ   ሓ/ኪ

        መበል 15 መዝሙር።            

ናይ   ዳዊት   መዝሙር።

     ¹ዎ   እግዚኣብሄር፡   ኣብ   ድንኳንካ   ዝሓድር   መን   እዩ፧

ኣብቲ   ኸረን   ቅድስናኻ   ዝነብርከ   መን   እዩ፧

     ²እቲ   ብቕንዕና   ዝመላለስን   ጽድቂ   ዝገብርን

ብልቡ   ሓቂ   ዝዛረብን፡

³ብልሳኑ   ዘይሓሚ፡

ንመሓዛኡ   ገለ   ኽፉእ   ዘይገብሮ፡

ንብጻዩ   ዘይጸርፎ፡

⁴እቲ   ጽዩፍ   ንዑቕ   ኰይኑ   ዝረአዮ፡

ንፈራህቲ   እግዚኣብሄር   ግና   ዘኽብሮም፡

ዝጐድኦ   እኳ   እንተ   ዀነ፡   ነቲ   ዝመሓለሉ   ዘይልውጦ፡

⁵ገንዘቡ   ብሓረጣ   ዘይህብ፡

ንጕድኣት   ንጹህ   ከኣ   መማለጃ   ዘይቕበል፡

እቲ   ኸምዚ   ዝገብርሲ   ንዘለኣለም   ኣይናወጽን   እዩ።

ዝ/መዛ.   ብ/ኪ   ሓ/ኪ

        መበል 16 መዝሙር።            

ናይ   ዳዊት   መዝሙር።

     ¹ዎ   ኣምላኽ፡   ብኣኻ   እውከል   ኣሎኹ   እሞ፡   ሓልወኒ።

²ንእግዚኣብሄር፡   ንስኻ   ጐይታይ   ኢኻ፡

ብዘይ   ንስኻስ   ሰናይ   የብለይን፡   ኢለዮ።

³ኣብ   ምድሪ   ዘለዉ   ቅዱሳን፡   ንሳቶም   ክቡራን   እዮም፡

ባህገይ   ኵሉ   ኣባታቶም   እዩ   ዘሎ፡   በልኩ።

     ⁴ጻዕሪ   እቶም   ናብ   ካልኦት   ዝጐዩ   ኽበዝሕ   እዩ።

ናይ   ደም   መስዋእቲ   መስቲኦም   ኣይክስውእን፡

ንስሞም   ከኣ   ብኸናፍረይ   ኣይከውስእን   እየ።

⁵እግዚኣብሄርሲ   ኽፍሊ   ርስተይን   ጽዋአይን   እዩ፡

ነቲ   ብዕጻ   ዝበጽሓኒ   እተጽንዖ   ንስኻ   ኢኻ።

⁶ኣብ   ባህ   ዘብል   ቦታ   ዕጻ   በጺሑኒ፡

ኤረ   ጽቡቕ   ርስቲ   መጺኡኒ።

⁷ነቲ   ዝምዕደኒ   እግዚኣብሄር   እባርኾ   ኣሎኹ፡

ብለይቲ   እኳ   ኰላሊተይ   ይምህራኒ   እየን።

     ⁸ንእግዚኣብሄር   ኵሉ   ግዜ   ኣብ   ቅድመይ   ገይረዮ፡

ብየማነይ   ስለ   ዝዀነ፡   ኣይክናወጽን   እየ።

^9-10ንነፍሰይ   ኣብ   ሲኦል   ኣይትሓድጋን፡

ቅዱስካውን   ጥፍኣት   ክርኢ   ኣይትፈቅድን   ኢኻ   እሞ፡

ስለዚ   ልበይ   ይሕጐስ፡   ክብረይ   እልል   ይብል፡

ስጋይውን   ኣብ   ጽኑዕ   ክሓድር   እዩ።

¹¹ንመገዲ   ህይወት   ትሕብረኒ፡

ኣብ   ቅድሚ   ገጽካ   ናይ   ሓጐስ   ጽጋብ፡

ኣብ   የማናይካውን   ንዘለኣለም   ብጽእና   ኣሎ።

ዝ/መዛ.   ብ/ኪ   ሓ/ኪ

        መበል 17 መዝሙር።            

ጸሎት   ዳዊት።

     ¹ዎ   እግዚኣብሄር፡   ንጽድቂ   ስምዓዮ፡

ናብ   ጥርዓነይ   ኣቕልብ፡

ናብቲ   ኻብ   ከንፈር   ጥበራ   ዘይመጸ   ጸሎተይ   እዝንኻ   ምለሰ።

²ፍትሐይ   ካብ   ገጽካ   ይውጻእ፡

ኣዒንትኻ   ንቕንዕና   ይርኣያኣ።

³ንልበይ   ተዓዚብካዮ፡   ብለይቲ   በጺሕካዮ፡

መርሚርካንስ   ገለ   እኳ   ኣይረኸብካን፡

ካብ   ኣፈይ   ክፍኣት   ከይወጽእ   ምኽረይ   ቈሪጸ   እየ።

     ⁴ብዛዕባ   ግብርታት   ሰብሲ

ንቓል   ከናፍርካ   ብምእዛዝ፡

ካብ   መገድታት   ዓመጽቲ   ተዓቂበ።

⁵ስጕምተይ   ኣብ   ኣሰርካ   ይጽናዕ፡

ኣእጋረይ   ሰንከልከል   ኣይበላን።

⁶ዎ   ኣምላኽ፡   ትመልሰለይ   ኢኻ   እሞ፡   እጽውዓካ፡

እዝንኻ   ናባይ   ኣድንን፡   ንዘረባይ   ጽን   በሎ።

⁷ነቶም   ካብ   ተጻረርቶም   ኣባኻ   ዘዕቍቡ፡

ንስኻ   ብየማናይ   ኢድካ   እተናግፎም፡

እቲ   ዘደንቕ   ሳህልኻ   ኣርእዮም።

^8-9ካብቶም   ጕድኣተይ   ዝደልዩ   ረሲኣን፡

ካብቶም   ዝኸቡኒ   ጸላእተይሲ፡

ከም   መርዓት   ዓይኒ   ጌርካ   ዓቅበኒ፡

ኣብ   ጽላል   ኣኽናፍካ   ሰውረኒ።

     ¹⁰ንልቦም   ብስብሒ   ይዓጽውዎ፡

ብአፎም   ትዕቢት   ይዛረቡ   ኣለዉ።

¹¹ኣስአሰርና   ስዒቦም   ሕጂ   ይኸቡና፡

ናብ   ምድሪ   ኸውድቑና   ኣዒንቶም   የፍጥጡ   ኣለዉ።

¹²ነቲ   ኽሰላልዕ   ዝምነ   ኣንበሳ፡

ነቲ   ኣብ   ሕቡእ   ዘድቢ   ሽደን   ኣንበሳ   ይመስል።

     ¹³ዎ   እግዚኣብሄር፡   ተለዓል፡   ግጠመሉ፡   ኣውድቆ።

ንነፍሰይ   ካብ   ረሲእ   ብሴፍካ   ኣናግፋ።

¹⁴ዎ   እግዚኣብሄር፡   ካብ   እዛ   ዓለም   እዚኣ፡

ግዲኦም   ኣብዛ   ህይወት   እዚኣ   ዝዀነ፡

ከብዶም   ብመዝገብካ   እትመልእ፡   ውሉዶም   ዝበዝሑሎም፡

ተረፎም   ከኣ   ንሕጻውንቶም   ዝሓድጉ   ሰባት፡

ብኢድካ   ኣድሕነኒ።

     ¹⁵ኣነ   ግና   ንገጽካ   ብጽድቂ   ኽርእዮ፡

ምስ   ነቓሕኩ   ብትርኢትካ   ኽጸግብ   እየ።

ዝ/መዛ.   ብ/ኪ   ሓ/ኪ

        መበል 18 መዝሙር።            

ንሊቀ   መዘምራን፡   እግዚኣብሄርካብ   ኢድ   ኩላቶም   ጸላእቱን   ካብ   ኢድ   ሳኦልን   ምስ   ኣናግፎ፡   ዳዊት   ባርያ   እግዚኣብሄር   ቃላት   እዚ   መዝሙርእዚ   ኸምዚ   ኢሉ   ንእግዚኣብሄር   ዘመአሉ።

     ¹ዎ   እግዚኣብሄር   ሓይለይ፡   አፍቅረካ   እየ።

²እግዚኣብሄርሲ   ኸውሐይ፡   ዕርደይ፡   መናገፍየይ፡

ኣምላኸይ፡   ዝሃድመሉ   ጸግዐይ፡

ዋልታይ፡   ቀርኒ   ምድሓነይ፡

ልዕል   ዝበለ   ኸውለይ   እዩ።

³ናብቲ   ሞሳ   ዝግብኦ   እግዚኣብሄር   ተማህለልኩ   እሞ፡

ካብ   ጸላእተይ   ደሓንኩ።

     ⁴መኣሰር   ሞት   ከቢቡኒ፡

ወሓይዝ   ብልያል   ከኣ   ሸቢሩኒ፡

⁵መኣሰር   ሲኦል   ከቢቡኒ፡

መፈንጠራታት   ሞት   በጺሑኒ   ነይሩ።

⁶ብጸበባይ   ናብ   እግዚኣብሄር   ተማህለልኩ፡

ናብ   ኣምላኸይ   ኣእዌኹ፡

ንድምጸይ   ካብ   መቕደሱ   ሰምዖ፡

ኣውያተይውን   ናብ   ቅድሚኡ   ኣብ   ኣእዛኑ   በጽሐ።

     ⁷ሽዑ   ምድሪ   ተናወጸት   ራዕራዕ   ድማ   በለት፡

መሰረታት   ኣኽራን   ከኣ   ኣንደቕደቑ፡

ንሱ   ነዲሩ   እዩ   እሞ፡   ኣንቀጥቀጡ።

⁸ካብ   ኣፍንጫኡ   ትኪ   ፈለል   በለ፡

ካብ   ኣፉ   ኸኣ   ሞዅ   ዘብል   ሓዊ   ወጸ፡

ጓህሪ   ኻብኡ   መጸ።

⁹ኣብ   ትሕቲ   ኣእጋሩ   ብርቱዕ   ጣቓ   ነበረ   እሞ፡

ንሰማያት   ለጠቕ   ኣቢሉ   ወረደ።

¹⁰ኣብ   ኪሩቤል   ተቐሚጡ   በረረ፡

ቀልጢፉ   ብኣኽናፍ   ንፋስ   ሸበበ።

¹¹ንሱ   ጸልማት   ንመሰወሪኡ፡

ጸልማት   ማያትን   ብርቱዕ   ደበናታትን   ከኣ

ንድንኳኑ   ኣብ   ዙርያኡ   ገበሮ።

¹²ብነጸብራቕ   ገጹ   ደበናታቱን

በረድን   ጓህሪ   ሓውን   ሓለፈ።

¹³እግዚኣብሄር   ድማ   ኣብ   ሰማያት   ኣንጐድጐደ።

እቲ   ልዑል   ብበረድን   ብጓህሪ   ሓውን   ድምጹ   ኣስምዐ።

¹⁴ፍላጻታቱ   ወርዊሩ   ፋሕ   ኣበሎም፡

መባርቅ   ኣብዚሑ   ኣህደሞም።

¹⁵ብተግሳጽካ፡   ዎ   እግዚኣብሄር፡   ብእስትንፋስ   ኣፍንጫኻ

መዓሙቑ   ማያት   ተራእዩ   እሞ፡

መሰረታት   ዓለም   ተቐልዐ።

     ¹⁶ካብ   ላዕሊ   ልኢኹ   ሓዘኒ፡

ስሒቡ   ኻብ   ብርቱዕ   ማያት   ኣውጽኣኒ።

¹⁷እቲ   ብርቱዕ   ጸላእየይን   እቶም   ዝጸልኡንን፡

ሓይሎምኒ   ነበሩ   እሞ፡   ካብኦም   ኣናገፈኒ።

¹⁸ብመዓልቲ   መከራይ   ሓደጋ   ወደቑኒ፡

እግዚኣብሄር   ግና   ደጋፍየይ   ኰነ።

¹⁹ንሱ   ናብ   ገፊሕ   ቦታ   ኣውጽኣኒ፡

ብሂጉኒ   እዩ   እሞ፡   ኣናገፈኒ።

     ^20-22ንመገድታት   እግዚኣብሄር   ሓሊወየን፡

ብረሲእነት   ካብ   ኣምላኸይ   ኣይረሓቕኩን፡

ንዅሉ   ሕጋጋቱ   ኣብ   ቅድመይ   ሒዘዮ   እየ፡

ንስርዓታቱ   ድማ   ካባይ   ኣይፈለኽዎን   እሞ

እግዚኣብሄር   ብመጠን   ጽድቀይ   ክሒሱኒ፡

ከም   መጠን   ንጽህና   ኣእዳወይ   ፈድዩኒ   እዩ።

²³ምስኡ   ኸኣ   ፍጹም   ነይረ፡

ካብ   ሓጢኣተይውን   ተሓልየ።

²⁴ስለዚ   እግዚኣብሄር   ብመጠን   ጽድቀይ፡

ብመጠን   እቲ   ኣብ   ቅድሚ   ኣዒንቱ   ዝዀነ

ንጽህና   ኣእዳወይ   ፈደየኒ።

^25-27ንስኻ   ነቲ   ዝስቀ   ሰብ   ተድሕኖ፡

ንዕቡያት   ኣዒንቲ   ግና   ለጠቕ   ተብለን   ኢኻ   እሞ፡

ምስቲ   ሄርሲ   ሄር፡   ምስቲ   ቕኑዕውን   ቅኑዕ   ኢኻ፡

ምስቲ   ንጹህሲ   ንጹህ፡   ምስቲ   ጠዋይ   ድማ   ጠዋይ   ኢኻ።

²⁸ንመብራህተይ   ተድምቖ   ኢኻ   እሞ፡

እግዚኣብሄር   ኣምላኸይ   ንጸልማተይ   የብርሆ   እዩ።

²⁹ብኣኻ   ንሰራዊት   እጥሕሶ   እየ   እሞ፡

ብኣምላኸይውን   ንቐጽሪ   እዘሎ።

     ³⁰መገዲ   ኣምላኽሲ   ፍጽምቲ   እያ፡

ቃል   እግዚኣብሄር   እተዀልዐ   እዩ፡

ነቶም   ብእኡ   ዝውከሉ   ዘበሉ   ዋልታኦም   እዩ።

³¹ብዘይ   እግዚኣብሄር   እሞ   መን   እዩ   ኣምላኽ፧

ብዘይ   ኣምላኽናኸ   መን   እዩ   ኸውሒ፧

³²እቲ   ሓይሊ   ዘዕጥቐኒ፡

ንመገደይ   ከኣ   ዘቕንዓ   ኣምላኽ፡

³³ንሱ   ነእጋረይ   ከም   ናይ   እራብ   ዝገብረን፡

ኣብቲ   በሪኽ   ቦታይ   ዘቑመኒ፡

³⁴ንሱ   ነእዳወይ   ውግእ፡   ንቐላጽመይ   ድማ

ምግታእ   ቀስቲ   ኣስራዚ   ዘልመደን   እዩ።

³⁵ዋልታ   ምድሓንካ   ድማ   ሂብካኒ፡

የማነይቲ   ኢድካውን   ደጊፋትኒ፡

ሕያውነትካ   ድማ   ዓብዪ   ገይሩኒ።

³⁶ኣእጋረይ   ከይሰናኸላስ፡

ንመገደይ   ኣብ   ትሕቲ   ስጕምተይ   ተርሕባ   ኢኻ።

     ³⁷ንጸላእተይ   ሰጒጐዮምን   ኣርኪበዮምን፡

ከየጥፋእክዎም   ከኣ   ኣይተመለስኩን።

³⁸ወቒዐዮምሲ   ኽትንስኡ   ኣይተኻእሎምን፡

ኣብ   ትሕቲ   ኣእጋረይ   ወዲቖም።

³⁹ንውግእሲ   ሓይሊ   ኣዕጢቕካኒ፡

ንተቓወምተይ   ኣብ   ትሕተይ   ኣድኒንካዮም።

⁴⁰ዝባን   ጸላእተይ   ከኣ   ሂብካኒ፡

ንዝጸልኡኒውን   ኣጥፊኤዮም።

⁴¹ኣእውዮምሲ   ዘድሕኖም   ኣይነበረን፡

ናብ   እግዚኣብሄር   ኣእውዮም፡   ኣይመለሰሎምን።

⁴²ከምቲ   ንንፋስ   ዝውፈ   ሓመድ   ደቑሰዮም፡

ከምቲ   ጭቃ   መገዲ   ዀስቲረዮም።

⁴³ካብ   ክርክር   ህዝቢ   ኣናጊፍካኒ፡

ርእሲ   ኣህዛብ   ጌርካኒ፡

ዘይፈለጥክዎ   ህዝቢ   ተገዚኡኒ፡

     ⁴⁴ብምስማዕ   እዝኒ   ጥራይ   ተአዚዞምኒ፡

ደቂ   መጻእተኛታት   ወስሊቶምለይ።

⁴⁵ደቂ   መጻእተኛታት   ጸምልዮም፡

እናንቀጥቀጡ   ኻብ   ከውሎም   ወጺኦም።

     ⁴⁶እግዚኣብሄር   ህያው   እዩ፡

ከውሐይ   ብሩኽ   ይኹን፡

ኣምላኽ   ምድሓነይ   ልዕል   ይበል።

⁴⁷እቲ   ሕነ   ዝፈድየለይ፡

ነህዛብውን   ዘግዝአለይ፡

⁴⁸ካብ   ጸላእተይ   ዘውዕለንስ   ኣምላኽ   እዩ።

እወ፡   ኣብ   ልዕሊ   ተጻረርተይ   ልዕል   እተብለኒ፡

ካብቲ   ዓመጸኛ   ሰብ   እትበልሃኒ   ንስኻ   ኢኻ።

     ⁴⁹ስለዚ፡   ዎ   እግዚኣብሄር፡

ኣብ   ማእከል   ኣህዛብ   ከመስግነካ፡

ንስምካውን   ክዝምረሉ   እየ።

⁵⁰ዓብዪ   ድሕንነት   ንንጉስ   ይገብረሉ፡

ንቕቡኡ፡   ንዳዊት፡   ንዘርኡ   ኸኣ

ንዘለኣለም   ምሕረት   ይገብረሎም።

ዝ/መዛ.   ብ/ኪ   ሓ/ኪ

        መበል 19 መዝሙር።            

ንሊቀ   መዘምራን፡   ናይ   ዳዊት   መዝሙር።

     ¹ሰማያት   ክብሪ   ኣምላኽ   የዘንትዉ፡

ጠፈር   ከኣ   ግብሪ   ኣእዳዉ   የውሪ። 

²ሓንቲ   መዓልቲ   ነታ   ሓንቲ   ትዛንያ፡

ሓንቲ   ለይቲ   ድማ   ነታ   ሓንትስ   ፍልጠት   ተሕልፈላ።

³ዘረባ   የልቦን፡   ምዝርራብ   የልቦን፡

ድምጾምውን   ኣይስማዕን   እዩ።

     ⁴ገመዶም   ናብ   ኵላ   ምድሪ፡

ቃላቶም   ድማ   ክሳዕ   ወሰን   ዓለም   ይወጽእ   ኣሎ፡

ንጸሓይ   ከኣ   ድንኳን   ተኸለሎም።

⁵ንሳ   ኸም   መርዓዊ   ኻብ   ሕልፍኚ   ትወጽእ፡

ከም   ጅግና   ኸኣ   ንምጕያይ   መገዲ   ትሕጐስ   ኣላ።

⁶ምውጻኣ   ኻብ   ወሰን   ሰማያት   እዩ፡

ምዝዋራ   ድማ   ክሳዕ   ወሰነን   እዩ፡

ካብ   ረስና   ዝኽወል   ከኣ   የልቦን።

     ⁷ሕጊ   እግዚኣብሄር   ፍጹም   እዩ፡   ንነፍሲ   ይመልሳ።

ምስክር   እግዚኣብሄር   እሙን   እዩ፡   ንገርሂ   የጥብቦ።

⁸ስርዓት   እግዚኣብሄር   ቅኑዕ   እዩ፡   ንልቢ   የሐጕሶ፡

ትእዛዛት   እግዚኣብሄር   ንጹህ   እዩ፡   ነዒንቲ   የብርሀን።

⁹ፍርሃት   እግዚኣብሄር   ንጹህ   እዩ፡   ንዘለአለም   ይነብር፡

ፍርድታት   እግዚኣብሄር   ሓቂ   እዩ፡   ብዘሎውን   ጻድቕ   እዩ።

¹⁰ካብ   ወርቂ፡   አረ   ኻብ   ብዙሕ   ጽሩይ   ወርቂ   እኳ   ዝሕረ   እዩ፡

ካብ   መዓር፡   አረ   ኻብ   መዓር   ወለላ   ዝጥዕም   እዩ።

¹¹ባርያኻውን   ብእኡ   ተማሂሩ፡

ብምሕላዉ   ዓብዪ   ኻሕሳ   ኣሎ።

     ¹²ንጌጋታቱ   ዝፈልጥ   መን   እዩ፧

ካብቲ   እተሰወረኒ   ኣንጽሃኒ።

¹³ንባርያኻ   ኻብ   ትዕቢት   ሓልዎ፡

ኣብ   ልዕለይ   ከይስልጥንውን   ዕገቶ፡

ሽዑ   ምሉእ   ክኸውን፡   ካብ   ዓብዪ   ኣበሳ   ኸኣ   ክነጽህ   እየ።

¹⁴ዎ   እግዚኣብሄር፡   ከውሐይን   መድሓንየይን፡

ቃላት   ኣፈይን   ሓሳባት   ልበይን   ኣብ   ቅድሜኻ   ብሁግ   ይኹን።

ዝ/መዛ.   ብ/ኪ   ሓ/ኪ

        መበል 20 መዝሙር።            

ንሊቀ   መዘምራን፡   ናይ   ዳዊት   መዝሙር።

     ¹እግዚኣብሄር   ብመዓልቲ   ጸበባ   ይስማዕካ፡

ስም   ኣምላኽ   ያእቆብ   ልዕል   የብልካ።

²ካብ   መቕደስ   ረዲኤት   ይስደደልካ፡

ካብ   ጽዮን   ከኣ   ይደግፍካ።

³ንመስዋእቲ   ብልዕኻ   ዘበለ   ይዘክሮ፡

ንመስዋእቲ   ምሕራርካውን   ይቀበሎ።    ሴላ።

⁴ነቲ   ልብኻ   ዝምነዮ   ይሃብካ፡

ንምኽርኻ   ዘበለውን   ይፈጽሞ።

     ⁵ብምንጋፍካ   እልል   ንብል፡

ንሰንደቕ   ዕላማውን   ብስም   ኣምላኽና   ነልዕሎ፡

ንኹሉ   ልማኖኻ   እግዚኣብሄር   ይፈጽሞ።

     ⁶ንቕቡእ   እግዚኣብሄር   ከም   ዘድሕኖ፡ሕጂ   ፈለጥኩ፡

ብናይ   እታ   የማነይቲ   ሓይሊ   ምድሓን

ካብ   ቅድስቲ   ሰማዩ   ኽመልሰሉ   እዩ።

⁷ገሊኣቶም   ብሰረገላታት   ገሊኣቶምውን   በፍራስ   ይእመኑ፡

ንሕና   ግና   ንስም   እግዚኣብሄር   ኣምላኽና   ኽንዝክሮ   ኢና።

⁸ንሳቶም   ደኒኖም   ወዲቖም፡

ንሕና   ግና   ደልዲልና   ንቐውም።

     ⁹ዎ   እግዚኣብሄር፡   ንንጉስ   ኣድሕኖ፡

በታ   እንጠርዓላ   መዓልቲ   ይስምዓና።

ዝ/መዛ.   ብ/ኪ   ሓ/ኪ

        መበል 21 መዝሙር።            

ንሊቀ   መዘምራን፡   ናይ   ዳዊት   መዝሙር።

¹ዎ   እግዚኣብሄር፡   ንጉስ   ብሓይልኻ   ይሕጐስ፡

ብምድሓንካኸ   ክንደይ   ኣዝዩ   ዘይፍሳህ።

²ትምኒት   ልቡ   ሂብካዮ፡

ልማኖ   ኸናፍሩውን   ኣይከላእካዮን።    ሴላ።

     ³ምስ   በረኸት   ሰናይ   ተቓባቢልካዮ   ኢኻ   እሞ፡

ኣብ   ርእሱ   ዘውዲ   ጽሩይ   ወርቂ   ደፋእካሉ።

⁴ህይወት   ለመነካ፡

ምንዋሕ   ዕድመ   ንሓዋሩ   ንዘለኣለም   ሃብካዮ።

⁵ብሳላ   ምድሓንካ   ኽብሩ   ዓብዪ   እዩ፡

ድንቅን   ግርማን   ድማ   ወሰኽካዮ።

⁶ንዘለኣለም   ንበረኸት   ጌርካዮ   ኢኻ   እሞ፡

ኣብ   ቅድሜኻ   ብደስታ   ኣሐጐስካዮ።

     ⁷እቲ   ንጉስ   ብእግዚኣብሄር   ይእመን   እዩ   እሞ፡

ብምሕረት   እቲ   ልዑል   ከቶ   ኣይክዘናባዕን   እዩ።

     ⁸ንጸላእትኻ   ዘበሉ   ኢድካ   ኽትረኽቦም   እያ፡

የማነይትኻ   ነቶም   ዝጸልኡኻ   ኽትረኽቦም   እያ።

⁹ምስ   እትበጽሖምሲ፡   ከም   ርሱን   እቶን   ክትገብሮም   ኢኻ።

እግዚኣብሄር   ብቑጥዓኡ   ኽውሕጦም፡

ሓዊ   ድማ   ክበልዖም   እዩ።

¹⁰ንፍሬኦም   ካብ   ምድሪ፡

ንዘርኦምውን   ካብ   ማእከል   ደቂ   ሰብ   ከተጥፍኦ   ኢኻ።

¹¹ክፍኣት   ሓሊኖምልካ   እዮም   እሞ፡

ዘየስልጥዎ   እከይ   መኸሩ።

¹²ዝባኖም   ከተምልሶም   ኢኻ   እሞ፡

ቀስትኻ   ናብ   ግምባሮም   ኣቢልካ   ኸተዳሉ   ኢኻ።

     ¹³ዎ   እግዚኣብሄር፡   ብሓይልኻ   ልዕል   በል፡

ንስልጣንካ   ኽንምዝርን   ክንውድስን   ኢና።

ዝ/መዛ.   ብ/ኪ   ሓ/ኪ

        መበል 22 መዝሙር።            

ንሊቀ   መዘምራን   ፡   ብኣይሌት   ሃሽሃር።   ናይ   ዳዊት   መዝሙር።

     ¹ኣምላኸይ፡   ኣምላኸይ፡   ስለምንታይ   ሓደግካኒ፧

ካብ   ምርዳአይን   ካብ   ቃላት   ኣውያተይን   ርሑቕ   ኢኻ።

²ዎ   ኣምላኸይ፡   ብመዓልቲ   እጠርዕ፡

ንስኻ   ግና   ኣይትመልስን፡

ብለይቲውን   ትም   ኣይብልን።

     ³ኣታ   ብማህሌት   እስራኤል   እትነብር፡

ንስኻ   ቅዱስ   ኢኻ።

⁴ኣቦታትና   ኣባኻ   ተወኪሎም   እዮም፡

ተወኪሎም፡   ንስኻውን   ኣናገፍካዮም።

⁵ኣባኻ   ኣእወዩ   እሞ   ደሓኑ፡

ኣባኻ   ተወከሉ   እሞ   ኣይሓፈሩን።

     ⁶ኣነ   ግና   ሓሰኻን   መላገጽ   ሰብን፡

ብህዝቢ   እተናዕቀን   እየ   እምበር፡   ሰብሲ   ኣይኰንኩን።

^7-8፡ዝርእዩኒ   ዘበሉ   የባጭዉለይ፡

ኣብ   እግዚኣብሄር   ይተዓቘብ፡   እስኪ   የናግፎ፡

ብሂግዎ   እዩ   እሞ፡   ንሱ   የድሕኖ፡

ኢሎም   ርእሶም   እናነቕነቑ

ኸናፍሮም   ይርምጥጡለይ   ኣለዉ።

     ⁹ግናኸ   ካብ   ማሕጸን   ወላዲት   ዘውጻእካኒ፡

ኣብ   ኣጥባት   እኖይ   ብርግኣት   ዘዕረፍካኒ   ንስኻ   ኢኻ።

¹⁰ካብ   ማሕጸን   ወላዲት   ኣባኻ   ወደቕኩ፡

ካብ   ከርሲ   እኖይ   ጀሚርካ   ንስኻ   ኣምላኸይ   ኢኻ።

     ¹¹ጭንቂ   ቐሪቡ   ኣሎ፡   ዝሕግዘኒውን   የልቦን   እሞ፡

ካባይ   ኣይትርሓቕ።

¹²ብዙሓት   ኣረውሕ   ከቢቦምኒ፡

ብርቱዓት   ኣረውሕ   ባሳን   ኣማእኪሎምኒ።

¹³ከምቲ   ዝዝርፍን   ዝጓዝምን   ኣንበሳስ

ጐረሮኦም   ይኸፍቱለይ   ኣለዉ።

¹⁴ኣነ   ኸም   ማይ   ፈሰስኩ፡

ብዘሎ   ኣዕጽምተይ   ተፋላልዩ፡

ልበይ   ከም   ስምዒ   ዀነ፡

ኣብ   ማእከል   ኣምዑተይ   ከኣ   መኸኸ።

¹⁵ሓይለይ   ከም   ገልዒ   ነቒጹ፡

ልሳነይ   ኣብ   ትንሓገይ   ጠቢቑ፡

ናብ   መሬት   ሞት   ኣውዲቕካኒ።

¹⁶ኣኽላባት   ከቢቦምኒ፡

ኣኼባ   ገበርቲ   እከይ   ኣማእኪሎምኒ፡

ኣእዳወይን   ኣእጋረይን   ሸንኪሮምዎ   እዮም   እሞ፡

¹⁷ንዅሉ   ኣዕጽምተይ   ክቘጽሮ   እኽእል   እየ፡

ንሳቶም   ይጥምቱንን   ይዕዘቡንን   ኣለዉ።

¹⁸ንኽዳውንተይ   ይማቐልዎ፡

ንቐምሸይውን   ዕጻ   የውድቑሉ።

     ¹⁹ጐይታየ፡   ንስኻ   ግና   ካባይ   ኣይትርሓቕ፡

ንስኻ   ሓይለይ   ኢኻ፡   ንምርዳአይ   ቀልጥፍ።

²⁰ንነፍሰይ   ካብ   ሴፍ፡

ነታ   ቐንደይ   ከኣ   ካብ   ኢድ   ኣኽላባት   ኣናግፋ።

²¹ካብ   ኣፍ   ኣንበሳ   ኣድሕነኒ፡

ካብ   ቀርኒ   ጐባይ   ሰማዕካኒ።

     ²²ስምካ   ነሕዋተይ   ከዘንትወሎም፡

ኣብ   ማእከል   ማሕበር   ከመስግነካ   እየ።

²³ኣቱም   ንእግዚኣብሄር   እትፈርሁ፡   ኣመስግንዎ።

ኣቱም   ዘርኢ   ያእቆብ   ዘበልኩም፡   ወድስዎ፡

ዘርኢ   እስራኤል   ኵሉኹምውን፡   ፍርህዎ።

²⁴ንጸበባ   እቲ   ጥቑዕ   ኣይነዓቖን፡   ኣየዋረዶን   እዩ   እሞ፡

ናብኡ   ምስ   ኣእወየስ፡   ሰምዖ   እምበር፡

ንገጹ   ኻብኡ   ኣይከወሎን።

²⁵እቲ   ኣብ   ዓብዪ   ማሕበር   ዘሎኒ   ናእዳይ   ካባኻ   እዩ።

ኣብ   ቅድሚ   ዝፈርህዎ   መብጽዓይ   ክፍጽም   እየ።

     ²⁶ትሑታት   ክበልዑን   ክጸግቡን፡

ንእግዚኣብሄር   ዝደልይዎ   ኽውድስዎ   እዮም፡

ልብኹም   ንዘለኣለም   ብህይወት   ክነብር   እዩ።

²⁷ወሰን   ምድሪ   ዅሎም

ንእግዚኣብሄር   ክዝክርዎን   ክምለስዎን፡

ብዘለዉ   ነገድ   ኣህዛብውን   ኣብ   ቅድሜኻ   ክሰግዱ   እዮም።

 ²⁸መንግስቲ   ናይ   እግዚኣብሄር   እያ   እሞ፡

ንሱውን   ኣብ   ኣህዛብ   ክጕይተት   እዩ።

     ²⁹ናይ   ምድሪ   ስቡሓት   ዘበሉ   ኽበልዑን   ክሰግዱን፡

እቶም   ናብ   መሬት   ዝወርዱ   ዅላቶም   እሞ

ብህይወት   ክነብሩ   ዘይኽእሉ   ኣብ   ቅድሚኡ   ኽሰግዱ   እዮም።

³⁰ዘርኢ   ኽግዝኣሉ፡   ንዝመጽእ   ወለዶ

ብዛዕባ   እግዚኣብሄር   ከዘንትውሉ   እዮም።

³¹ንሱ   ኸም   ዝገበሮ፡   ነቲ   ዝውለድ   ህዝቢ

መጺኦም   ጽድቁ   ኽነግርዎ   እዮም።

ዝ/መዛ.   ብ/ኪ   ሓ/ኪ

        መበል 23 መዝሙር።            

ናይ   ዳዊት   መዝሙር።

     ¹እግዚኣብሄር   ጓሳይየይ   እዩ፡

ዝጐድለኒ   የብለይን።

²ኣብ   ልሙዕ   ሸኻ   የውዕለኒ፡

ናብ   ዝዓርፈሉ   ማይ   ይመርሓኒ።

     ³ንሱ   ንነፍሰይ   የህድኣ፡

ምእንቲ   ስሙ   ኢሉ   ብመገዲ   ጽድቂ   ይመርሓኒ።

     ⁴በትርኻን   ምርኵስካን   የጸናንዓኒ   እዩ፡

ንስኻ   ምሳይ   ኢኻ   እሞ፡

ብርባርባ   ድነ   ሞት   እኳ   እንተ   ኸድኩ፡

ክፉእ   ኣይፈርህን   እየ።

⁵ንስኻ   ኣብ   ቅድሚ   ገጽ   ጸላእተይ   መአዲ   ትሰርዓለይ፡

ንርእሰይ   ብዘይቲ   ትለኽዮ፡

ጽውአይ   ይጅርብብ   ኣሎ።

     ⁶ብሓቂ   ሳህልን   ምሕረትን   ብዅሉ   ዕድመይ   ክስዕባኒ   እየን፡

ኣብ   ቤት   እግዚኣብሄር   ከኣ   ንዘለኣለም   ክነብር   እየ።

ዝ/መዛ.   ብ/ኪ   ሓ/ኪ

        መበል 24 መዝሙር።            

ናይ   ዳዊት   መዝሙር።

     ^1-2እግዚኣብሄር   ንምድሪ   ኣብ   ባሕሪ   ሰሪትዋ

ኣብ   ወሓይዝውን   ኣጽኒዕዋ   እዩ   እሞ፡

ንሳን   ምልኣታን፡   ዓለምን   ዚነብርዋን   ናቱ   እዮም።

³ናብ   ከረን   እግዚኣብሄር   ዚድይብ   መን   እዩ፧

ኣብቲ   ቕዱስ   ቦታኡ   ዚቐውምሲ   መን   እዩ፧

⁴እቲ   ንጹህ   ዝኣእዳዉን   ንጹህ   ዝልቡን፡

ነፍሱ   ናብ   ከንቱ   ዘየልዕል፡

ብጥበራ   ዘይምሕል   ሰብ   እዩ።

⁵ንሱስ   በረኸት   ካብ   እግዚኣብሄር፡

ጽድቂውን   ካብ   ናይ   ምድሓኑ   ኣምላኽ   ኪቕበል   እዩ።

⁶እቶም   ዚደልይዎ   ወለዶ   እዚኣቶም   እዮም፡

ንገጽካ   ዚደልዩ፡   ዎ   ኣምላኽ   ያእቆብ።    ሴላ።

     ⁷ኣቱም   ደጌታት፡   ርእስኻትኩም   ኣልዕሉ፡

ዎ   ናይ   ዘለአለም   ደጌታት፡   ልዕል   በሉ፡

እቲ   ንጉስ   ክብሪውን   ኪአቱ   እዩ።

⁸እዚ   ንጉስ   ክብሪኸ   መን   እዩ፧

እቲ   ብርቱዕን   ሓያልን   እግዚኣብሄር፡

ኣብ   ውግእ   ዝብርቱዕ   እግዚኣብሄር   እዩ።

     ⁹ኣቱም   ደጌታት፡   ርእስኻትኩም   ኣልዕሉ፡

ዎ   ናይ   ዘለአለም   ደጌታት፡   ልዕል   በሉ፡

እቲ   ንጉስ   ክብሪውን   ኪአቱ   እዩ።

¹⁰እዚ   ንጉስ   ክብሪ   እዚ   መን   እዩ፧

ጐይታ   ሰራዊት፡   እቲ   ንጉስ   ክብሪ   ንሱ   እዩ።   ሴላ።

ዝ/መዛ.   ብ/ኪ   ሓ/ኪ

        መበል 25 መዝሙር።            

ናይ   ዳዊት።

     ¹ዎ   እግዚኣብሄር፡   ነፍሰይ   ናባኻ   አልዕል   ኣሎኹ።

²ዎ   ኣምላኸይ፡   ኣባኻ   ተወኪለ   እኔኹ።

ኣይተሕፍረኒ፡   ጸላእተይ   ብኣይ   ደስ   ኣይበሎም።

³ንኣኻ   ዝጽበዩ   ከቶ   ኣይክሓፍሩን፡

እቶም   ብዘይ   ምኽንያት   ዝጠልሙ   ግና   ክሓፍሩ   እዮም።

     ⁴ዎ   እግዚኣብሄር፡   ጐደናታትካ   ኣፍልጠኒ፡

   መገድታትካ   ምሃረኒ።

⁵ንስኻ   ኣምላኽ   ምድሓነይ   ኢኻ   እሞ፡

ብሓቅኻ   ምርሓንን   ኣስተምህረንን።

ኵሉ   መዓልቲ   እጽበየካ   ኣሎኹ።

⁶ዎ   እግዚኣብሄር፡   ምሕረትካን   ሳህልኻን

ካብ   ዘለኣለም   እየን   እሞ፡   ዘክረን።

⁷ዎ   እግዚኣብሄር፡

ንሓጢኣት   ንእስነተይን   ኣበሳይን   ኣይትዘክሮ፡

ከም   ለውሃትካ፡   ስለ   ሳህልኻ   ኢልካ   ዘክረኒ።

     ⁸እግዚኣብሄር   ሰናይን   ቅኑዕን   እዩ፡

ስለዚ   ንሓጥኣን   መገዱ   ኽምህሮም   እዩ።

⁹ንትሑታት   ብፍርዲ   ኽመርሖም፡

ንትሑታትውን   መገዱ   ኸስተምህሮም   እዩ።

¹⁰ነቶም   ኪዳኑን   ምስክራቱን   ዝሕልውስ፡

መገድታት   እግዚኣብሄር   ኵላተን   ሳህልን   ሓቅን   እየን።

     ¹¹ዎ   እግዚኣብሄር፡   በደለይ   ዓብዪ   እዩ   እሞ፡

ስለ   ስምካ   ኢልካ   ይቕረ   በለለይ።

¹²ንእግዚኣብሄር   ዝፈርሆ   ሰብ   መን   እዩ፧

ንእኡ   እታ   ዝሓርያ   መገዲ   ኽምህሮ   እዩ።

¹³ነፍሱ   ብደሓን   ክትነብር፡

ዘርኡውን   ንምድሪ   ኽወርሳ   እዩ።

     ¹⁴ምስጢር   እግዚኣብሄርሲ   ነቶም   ዝፈርህዎ   እዩ፡

ንሱውን   ኪዳኑ   ኸፍልጦም   እዩ።

     ¹⁵ነእጋረይ   ካብ   መርበብ   ከውጽአን   እዩ   እሞ፡

ኣዒንተይ   ኵሉ   ግዜ   ናብ   እግዚኣብሄር   እየን።

¹⁶ኣነ   በይነይን   ሽጉርን   እየ   እሞ፡

ናባይ   ቁሊሕ   በል፡   ደንግጸለይውን።

¹⁷ጭንቀት   ልበይ   ዓዚዙ፡   ካብ   ጸበባይ   ኣውጽኣኒ።

¹⁸ንመከራይን   ጭንቀይን   ርኣዮ   እሞ፡

ንዅሉ   ሓጢኣተይ   ሕደገለይ።

¹⁹ጸላእተይ   በዚሖም   እዮም   እሞ፡   ርኣዮም፡

ግፍዐኛ   ጽልኢ   ይጸልኡኒ   ኣለዉ።

     ²⁰ንነፍሰይ   ሓልዋ   ኣድሕነኒውን፡

ኣባኻ   እውከል   ኣሎኹ   እሞ፡   ኣይተሕፍረኒ።

²¹ብኣኻ   ተስፋ   ገይረ   ኣሎኹ   እሞ፡

ንጽህናን   ቅንዕናን   ይሓልዋኒ።

     ²²ዎ   ኣምላኽ፡   ንእስራኤል   ካብ   ኵሉ   ጸበባኡ   ኣናግፎ።

ዝ/መዛ.   ብ/ኪ   ሓ/ኪ

        መበል 26 መዝሙር።            

ናይ   ዳዊት።

     ¹ዎ   እግዚኣብሄር፡   ብንጽህና   ተመላሊሰ፡

ከይተሓንኰሉ   ኸኣ

ኣብ   እግዚኣብሄር   ተወኪለ   እየ   እሞ፡   ፍረደለይ።

²ዎ   እግዚኣብሄር፡   መርምረንን   ተዓዘበንን፡

ንልበይን   ኰላሊተይን   መርምሮ።

     ³ሳህልኻ   ኣብ   ቅድሚ   ኣዒንተይ   እዩ   እሞ፡

ብሓቅኻ   እመላለስ   ኣሎኹ።

⁴ምስ   ሓሰውቲ   ሰባት   ኣይተቐመጥኩን፡

ምስ   ኣምሰሉታትውን   ኣይከድኩን።

⁵ንማሕበር   እኩያት   እጸልኣ፡

ምስ   ረሲኣንውን   ኣይቅመጥን   እየ።

^6-7፡ዎ   እግዚኣብሄር፡   ነእዳወይ   ብንጽህና   እሓጽበን፡

ድምጺ   ምስጋና   ኸስምዕ፡

ንብዘሎ   ተኣምራትካውን   ምእንቲ   ኸዘንትዎስ፡

ንመሰውኢኻ   እዞሮ   ኣሎኹ።

     ⁸ዎ   እግዚኣብሄር፡   ንቤት   ማሕደርካ፡

ነቲ   ኽብርኻ   ዝነብረሉ   ቦታ   አፍቅሮ   እየ።

^9-10ንነፍሰይ   ምስቶም   ኣብ   ኣእዳዎም

ዓመጻ   ዘለዎም   ሓጥኣን፡

ንህይወተይ   ከኣ   ምስቶም   የማነይቲ   ኢዶም

መማለጃ   ዝመልአትሰብ   ደም   ኣይትመንጥላ።

     ¹¹ኣነስ   ብንጽህናይ   እየ   ዝመላለስ፡

ኣድሕነኒ   ምሓረኒውን።

¹²እግረይ   ኣብ   ጥጡሕ   ቦታ   ደው   ኢላ   ኣላ፡

ኣብ   ማሕበራት   ንእግዚኣብሄር   ከመስግኖ   እየ።

ዝ/መዛ.   ብ/ኪ   ሓ/ኪ

        መበል 27 መዝሙር።            

ናይ   ዳዊት።

     ¹እግዚኣብሄር   ብርሃነይን   ምድሓነይን   እዩ፡

ካብ   መን   ደኣ   እየ   ዝፈርህ፧  

እግዚኣብሄር   ሓይሊ   ህይወተይ   እዩ፡

ካብ   መንከ   እየ   ዝስምብድ፧ 

²ገበርቲ   እከይ   ንስጋይ   ክውሕጡ   ሓደጋ   ምስ   ወደቑኒ፡

ወደረኛታተይን   ጸላእተይን   ባዕላቶም   ተዛብዑ   እሞ   ወደቑ። 

³ክቃወመኒ   ኢሉ   እኳ   ሰራዊት   እንተ   ዝሰፍር፡

ልበይ   ኣይፈርህን   እዩ፡

ኵናትውን   እንተ   ዝለዓለኒ፡   እምነት   ኣሎኒ።

     ^4-5ብመዓልቲ   ጸበባ   ኣብ   ዳሱ   ኽሓብኣኒ፡

ኣብ   ውሻጠ   ድንኳኑ   ክኽውለኒ፡

ኣብ   ከውሒ   ልዕል   ከብለኒ   እዩ   እሞ፡

ንእግዚኣብሄር   ሓንቲ   ነገር   ለሚነዮ።  

ውቃበ   እግዚኣብሄር   ንምርኣይ፡

መቕደሱውን   ንምምርማርሲ   ምሉእ   ዕድመይ  

ኣብ   ቤት   እግዚኣብሄር   ክነብር   ደልየ   ኣሎኹ። 

     ⁶ሎሚ   ኸኣ   ርእሰይ   ኣብቶም   ዝኸቡኒ   ጸላእተይ

ልዕል   ክብል   እዩ፡

ኣብ   ድንኳኑውን   መስዋእቲ   ብእልልታ   ከቕርብ፡

ንእግዚኣብሄር   ክዝምረሉን   ክውድሶን   እየ። 

⁷ዎ   እግዚኣብሄር፡   ንድምጸይ   ስምዓዮ፡

ኣባኻ   እምህለል   ኣሎኹ፡   ምሓረኒ   እሞ   ምለሰለይ። 

     ⁸ልበይ   ኣብ   ክንዳኻ   ዀይኑ፡   ንገጸይ   ድለይዎ   ይብለኒ   ኣሎ።  

ዎ   እግዚኣብሄር፡   ንገጽካ   እደልዮ   እኔኹ።

 ⁹ገጽካ   ኣይትሕብኣለይ፡

ንባርያኻ   ብቑጥዓ   ኣይትደርብዮ፡

ንስኻ   ረዳተይ   ኢኻ   እሞ፡

ዎ   ኣምላኽ   ድሕንነተይ፡   ኣይትጠንጥነኒ፡   ኣይትሕደገኒ።

¹⁰ኣቦይን   እኖይን   እኳ   እንተ   ዝጥንጥኑኒ፡

እግዚኣብሄርሲ   ይእርንበኒ   እዩ። 

     ¹¹ዎ   እግዚኣብሄር፡   መገድኻ   ምሃረኒ፡

ብምኽንያት   ጸላእተይ   ኰታ   በታ   ቕንዕቲ   መገዲ   ምርሓኒ። 

¹²ሓሰውቲ   ምስክር   ዓመጻ   ዘተንፍሱን   ሰባት

ተላዒሎም   እዮም   እሞ፡

ንኣደዳ   ተጻረርተይ   ኣይተሕልፈኒ።

¹³ኣየ፡   ለውሃት   እግዚኣብሄር   ኣብ   ምድሪ   ህያዋን  

ከም   ዝርአዮ   እንተ   ዘይኣምንሲ   …

¹⁴ብእግዚኣብሄር   ተሰፎ፡

በርትዕ፡   ልብኻ   ቀጥ   ይበል፡   ኣጆኻ፡

እወ፡   ብእግዚኣብሄር   ተስፋ   ግበር።

ዝ/መዛ.   ብ/ኪ   ሓ/ኪ

        መበል 28 መዝሙር።            

ናይ   ዳዊት።

     ¹ዎ   እግዚኣብሄር፡   ናባኻ   አእዊ   ኣሎኹ፡

ከይመለስካለይ   ስቕ   እንተ   በልካ፡

ኣነ   ነቶም   ናብ   ጕድጓድ   ዝወርዱ   ኸይመስልሲ፡

ዎ   ኸውሐይ፡   ኣይትጽመመኒ።

²ነእዳወይ   ናብ   ቅድስተ   ቕዱሳን   ኣልዒለ፡

ናባኻ   ኽምህለል   ከሎኹ፡ንድምጺ   ጸሎተይ   ስምዓዮ።

     ³ምስ   ረሲኣንን   ምስቶም  

ኣብ   ልቦም   ክፍኣት   ከለዎምሲ፡

ምስ   ብጾቶም   ሰላም   ዝዛረቡ   ገበርቲ   እከይን   ኣይትጕተተኒ።

⁴ከም   ግብሮምን   ከም   ክፍኣት   ስራሖምን   ሃቦም፡

ከም   ተግባር   ኣእዳዎም   ምለሰሎም፡

እቲ   ዝገበርዎ   ፍደዮም።

⁵ንግብርታት   እግዚኣብሄርን

ንተግባር   ኣእዳዉን   ኣየስተንትንዎን   እዮም   እሞ፡

ከፍርሶም   ኣይክሃንጾምን   ድማ   እዩ።

⁶እግዚኣብሄር   ንድምጺ   ጸሎተይ   ሰሚዕዎ   እዩ   እሞ፡

ስብሓት   ይዅኖ።

     ⁷እግዚኣብሄርሲ   ሓይለይን   ዋልታይን   እዩ፡

ልበይ   ብእኡ   ተወኪሉ፡   ኣነውን   ተረዲአ፡

ስለዚ   ልበይ   ይፍሳህ   ኣሎ፡

ብመዝሙረይ   ድማ   ክውድሶ   እየ።

⁸እግዚኣብሄርሲ   ሓይሎም   እዩ፡

ንቕቡኡውን   ዕርዲ   ምድሓን   እዩ።

     ⁹ንህዝብኻ   ኣድሕኖ፡   ንርስትኻ   ድማ   ባርኮ፡

ጓስዮም፡   ንሓዋሩ   ኸኣ   ጹሮም።

ዝ/መዛ.   ብ/ኪ   ሓ/ኪ

        መበል 29 መዝሙር።            

ናይ   ዳዊት   መዝሙር።

     ¹ኣቱም   ውሉድ   ብርቱዓት፡   ንእግዚኣብሄር   ሃቡ፡

ንእግዚኣብሄር   ክብርን   ሓይልን   ሃብዎ።

²ንእግዚኣብሄር   እቲ   ንስሙ   ዝግብኦ   ኽብሪ   ሃብዎ

ንእግዚኣብሄር   ብጌጽ   ቅድስና   ስገዱሉ።

     ³ድምጺ   እግዚኣብሄር   ኣብ   ልዕሊ   ማያት   እዩ፡

ኣምላኽ   ክብሪ   የንጐድጕድ   ኣሎ፡

እግዚኣብሄር   ኣብ   ልዕሊ   ብዙሕ   ማያት   እዩ።

⁴ድምጺ   እግዚኣብሄር   ብስልጣን፡

ድምጺ   እግዚኣብሄር   ብግርማ   እዩ።

⁵ድምጺ   እግዚኣብሄር   ንጽሕድታት   ይሰብሮ፡

እግዚኣብሄር   ንጽሕዲ   ሊባኖስ   ይሰባብሮ።

⁶ንሊባኖስን   ንስርዮንን   ከም   ብተይ፡

ከም   ጣዕዋ   ጐባይ   የዐንድሮም።

⁷ድምጺ   እግዚኣብሄር   ንሃልሃልታ   ሓዊ   ይስንጥቖ።

⁸ድምጺ   እግዚኣብሄር   ንምድረ   በዳ   የንቀጥቅጦ፡

እግዚኣብሄር   ንምድረ   በዳ   ቃዴስ   የንቀጥቅጦ   እዩ።

⁹ድምጺ   እግዚኣብሄር   ንእራባት   የውልደን፡   ንዱር   የርግፎ፡

ኣብ   መቕደሱውን   ኵሉ፡   ክብሪ፡   ይብል   ኣሎ።

     ¹⁰እግዚኣብሄር   ኣብ   ልዕሊ   ማይ   ኣይሂ   ተቐመጠ፡

ኤረ   እግዚኣብሄርሲ   ንዘለኣለም   ነጊሱ   ክቕመጥ   እዩ።

¹¹እግዚኣብሄር   ንህዝቡ   ሓይሊ   ይህቦ፡

እግዚኣብሄር   ንህዝቡ   ብሰላም   ይባርኾ።

ዝ/መዛ.   ብ/ኪ   ሓ/ኪ

        መበል 30 መዝሙር።            

ማህሌት   ንምሕዳስ   ቤት   መቕደስ።   ናይ   ዳዊት።

     ¹ንላዕሊ   ስሒብካኒ፡

ንጸላእተይውን   ብኣይ   ኣየሓጐስካዮምን   እሞ፡

ዎ   እግዚኣብሄር፡   ልዕል   አብለካ   ኣሎኹ።

²ዎ   እግዚኣብሄር   ኣምላኸይ፡

ኣነ   ናባኻ   ኣእወኹ፡   ንስኻውን   ኣጥዐኻኒ።

³ዎ   እግዚኣብሄር፡   ንነፍሰይ   ካብ   ሲኦል   ኣውጻእካያ፡

ናብ   ጒድጓድ   ከይወርድሲ፡   ንህይወት   ኣድሓንካኒ።

     ^4-5ኵራኡ   ንቕጽበት   ዓይኒ   እዩ፡

ጸጋኡ   ግና   ንምሉእ   ዕድመ   ይጸንሕ፡

ምሸት   ብኽያት   ይሓድር፡

ንግሆ   ግና   እልልታ   ይመጽእ   እዩ   እሞ፡

ኣቱም   ቅዱሳኑ፡   ንእግዚኣብሄር   ዘምሩሉ፡

ንቕዱስ   ዝኽሩውን   ኣመስግኑ።

⁶ኣነንከ   ብራህዋይ፡   ከቶ   ኣይከንደልህጽን   እየ፡   በልኩ።

⁷ዎ   እግዚኣብሄር፡   ብመጎስካ   ንኸረነይ   ኣጽኒዕካዮ፡

ገጽካ   ኸወልካዮ፡   ኣነውን   ሰምበድኩ።

⁸ዎ   እግዚኣብሄር፡   ናባኻ   አእውየ፡

ንእግዚኣብሄር   ለሚነዮ፡   ከምዚ   ኢለ፡

⁹ናብ   ጕድጓድ   እንተ   ወረድኩስ፡

ካብ   ደመይ   እንታይ   ክትረብሕ   ኢኻ፧

መሬትዶ   ኽውድሰካ፡   ንሓቅኻስ   ክሰብኮ   ድዩ፧

     ¹⁰ዎ   እግዚኣብሄር፡   ስማዕ   እሞ   ምሓረኒ፡

ዎ   እግዚኣብሄር፡   ረዳእየይ   ኩን።

^11-12ነፍሰይ   ምእንቲ   ኽትዝምረልካን   ስቕ   ከይትብልንሲ፡

ብኽያተይ   ናብ   ሳሕቂ   ለዊጥካለይ፡

ከለይ   ፈቲሕካስ፡   ደስታ   ኣዕጢቕካኒ።

ዎ   እግዚኣብሄር   ኣምላኸይ፡   ንዘለኣለም   ክውድሰካ   እየ።

ዝ/መዛ.   ብ/ኪ   ሓ/ኪ

        መበል 31 መዝሙር።            

ንሊቀ   መዘምራን፡   ናይ   ዳዊት   መዝሙር።

     ¹ዎ   እግዚኣብሄር፡   ኣባኻ   እውከል   ኣሎኹ፡

ከቶ   ኣይተሕፍረኒ፡   ስለ   ጽድቅኻ   ኢልካ   ኣናግፈኒ።

²እዝንኻ   ናባይ   ኣድንን፡   ቀልጢፍካ   ኣናግፈኒ፡

ጽኑዕ   ከውሒ፡   ዕርዲ   ምድሓነይ   ኩነኒ።

     ³እምባይን   ዕርደይን   ንስኻ   ኢኻ   እሞ፡

ስለ   ስምካ   ኢልካ   ምርሓኒ   ኣሳልየኒውን።

⁴ንስኻ   ጸግዐይ   ኢኻ   እሞ፡

ካብቲ   ብሕቡእ   ዘጻወዱለይ   መፈንጠራ   ኣውጽኣኒ።

⁵ንመንፈሰይ   ኣብ   ኢድካ   አማዕቍባ   ኣሎኹ፡

ዎ   እግዚኣብሄር   ኣምላኽ   ሓቂ፡   ኣድሒንካኒ   ኢኻ።

     ⁶ነቶም   ናብ   ከንቱነት   ሓሶት   ዝጽግዑ   እጸልኦም   እየ፡

ኣነ   ግና   ኣብ   እግዚኣብሄር   እየ   ዝውከል። 

^7-8ንመከራይ   ርኢኻዮ፡   ንጸበባ   ነፍሰይ   ፈሊጥካዮ፡

ናብ   ኢድ   ጸላኢ   ኣይሃብካንን፡

ነእጋረይ   ኣብ   ገፊሕ   ቦታ   ደው   ኣቢልካየን   ኢኻ   እሞ፡

ብምሕረትካ   ኽፍሳህ   ክሕጐስውን   እየ። 

     ⁹ዎ   እግዚኣብሄር፡   ጸቢቡኒ   እዩ   እሞ   ምሓረኒ፡

ዓይነይ፡   ነፍሰይ   ከብደይውን   ብሓዘን   ማህሚኑ።

¹⁰ህይወተይ   ብጓሂ፡   ዓመታተይ   ብእህህታ   ተወዲኡ፡

ሓይለይ   ብኣበሳይ   ላሕሊሑ፡

ኣዕጽምተይውን   ማህሚኑ   እዩ   እሞ፡

 ¹¹ብሰሪ   ዅላቶም   ጸላእተይሲ   መጻረፊ   ዀይነ፡

ንጐረባብተይ   ኣውራ   መጻረፊ፡

ንዝፈልጡኒ   መፍርሂ   ዀይነ፡

እቶም   ኣብ   ኣደባባይ   ዝርእዩኒ   ኻባይ   ይሃድሙ   ኣለዉ።

¹²ከም   ምዉት   ካብ   ልቢ   ተረሲዐ፡

ከም   ስቡር   ኣቕሓ   ዀይነ። 

¹³ሕሜት   ብዙሓት   ሰሚዐ   ኣሎኹ   እሞ፡

ኣብ   ኵሉ   ወገን   ስምባድ   ኣሎ።

ንጕድኣተይ   ክመኽሩ   ኸለዉ፡

ንህይወተይ   ክነጥቅዋ   ጠላለፉ።

      ¹⁴ኣነ   ግና፡   ዎ   እግዚኣብሄር፡   ኣባኻ   እውከል   ኣሎኹ፡

ኣነስ፡   ንስኻ   ኣምላኸይ   ኢኻ፡   በልኩ።

¹⁵ዕለታተይ   ኣብ   ኢድካ   እየን፡

ካብ   ኢድ   ጸላእተይን   ሰጐጕተይን   ኣናግፈኒ።

¹⁶ንገጽካ   ናብ   ባርያኻ   ኣብርሃዮ፡

ብሳህልኻ   ኣድሕነኒ።

¹⁷ዎ   እግዚኣብሄር፡

ናባኻ   ተማህሊለ   ኣሎኹ   እሞ፡   ኣይተሕፍረኒ።

ረሲኣን   ይሕፈሩ፡   ኣብ   ሲኦልውን   ስቕ   ይበሉ።

¹⁸እተን   ንጻድቕ   ብትዕቢትን   ንዕቀትን

   ደፊረን   ዝዛረባኦ   ሓሰውቲ   ኸናፍርሲ   ይተዓበሳ   ደኣ።

     ¹⁹ነቶም   ዝፈርሁኻ   ዝዓቘርካሎም፡

ነቶም   ኣባኻ   ዝምሕጸኑ፡

ኣብ   ቅድሚ   ደቂ   ሰብ   ዘዳሎኻዮ

   ለውሃትካ   ኽንደይ   ዓብዪ   እዩ።

²⁰ካብ   ውዲት   ሰብ   ብመሰወርያ   ገጽካ   ትኽውሎም፡

ካብ   ክርክር   መልሓስ   ኣብ   ድንኳንካ   ትሓብኦም።

²¹ኣብ   ጽንዕቲ   ኸተማ   ዘደንቕ   ሳህሉ   ኣርእዩኒ   እዩ   እሞ፡

እግዚኣብሄር   ይባረኽ።

     ²²ኣነስ   ብስምባደይ፡

ካብ   ኣዒንትኻ   ተሰጕጐ   እየ፡   በልኩ፡

ናባኻ   እንተ   ኣእዌኹ   ግና፡   ድምጺ   ጸሎተይ   ሰማዕካ።

²³ኣቱም   ቅዱሳኑ   ዅሉኹም፡   ንእግዚኣብሄር   ኣፍቅርዎ።

እግዚኣብሄር   ንእሙናት   ይሕልዎም፡

ንዕቡይ   ከኣ   ኣብዚሑ   ይፈድዮ   እዩ።

²⁴ኣቱም   ብእግዚብሄር   ተስፋ   እትገብሩ   ዅሉኹም፡

በርትዑ፡   ልብኹምውን   ይጽናዕ።

ዝ/መዛ.   ብ/ኪ   ሓ/ኪ

        መበል 32 መዝሙር።            

ናይ   ዳዊት   መስኪል።

     ¹ኣበሳኡ   እተሓድገሉ፡

ሓጢኣቱ   እተሰወረሉ   ሰብ   ብጹእ   እዩ።

²እግዚኣብሄር   በደሉ   ዘይጽብጽበሉ፡

ኣብ   መንፈሱውን   ልግሚ   ዘይብሉ   ሰብ   ብጹእ   እዩ።

     ³ስቕ   ኢለ   ኸሎኹ፡

ምሉእ   መዓልቲ   ብምግዓረይ

ኣዕጽምተይ   ዘርጋሕጋሕ   በለ።

⁴ለይትን   መዓልትን   ኢድካ   ኸበደትኒ   እሞ፡

ከም   ብሃሩር   ሓጋይ   ማራይ   ነቐጸ።    ሴላ።

     ⁵ሓጢኣተይ   ኣፍለጥኩኻ፡

በደለይውን   ኣይሰወርኩን፡    ሴላ።

ንእግዚኣብሄር   ኣበሳይ   ክናዘዘሉ   እየ፡   በልኩ።

ንስኻውን   እከይ   ሓጢኣተይ   ይቕረ   በልካለይ።

⁶ስለዚ   ደጊ   ዘበለ   ዅሉ   ብእትርከበላ   ግዜ   ይልምነካ፡

ብሓቂ   ብርቱዕ   ውሒዝ   እንተ   ደፍኤውን፡

ኣይክበጽሖን   እዩ።

⁷ንስኻ   ኸውለይ   ኢኻ፡   ካብ   ጸበባ   ትሕልወኒ፡

ብእልልታ   ምድሓን   ትኸበኒ፡    ሴላ።

     ⁸ኣነ   ኽምህረካ፡

ነታ   እትኸደላ   መገዲ   ድማ   ከርእየካ   እየ፡

ዓይነይ   ናባኻ   ኣቢለውን   ክመኽረካ   እየ።

⁹ከምቶም   ኣእምሮ   ዘይብሎም፡

ናባኻ   ምቕራብ   ስለ   ዝኣበዩ፡

ብልባብን   ብልጓምን   ዝግርሑ   ኣፍራስን   ኣባቕልን   ኣይትኹኑ።

     ¹⁰ንረሲእ   ብዙሕ   ስቓይ   ኣለዎ፡

ነቲ   ኣብ   እግዚኣብሄር   ዝውከል   ግና፡

ንእኡ   ብጸጋ   ክኸቦ   እዩ።

¹¹ኣቱም   ጻድቃን፡   ብእግዚኣብሄር   ተሓጐሱ፡

ባህ   ድማ   ይበልኩም፡

ኣቱም   ቅኑዓት   ልቢ   ዅላትኩም፡   እልል   በሉ።

ዝ/መዛ.   ብ/ኪ   ሓ/ኪ

        መበል 33 መዝሙር።            

     ¹ኣቱም   ጻድቃን፡   ብእግዚኣብሄር   እልል   በሉ፡

ንቕኑዓትሲ   ምስጋና   ይግብኦም   እዩ።

²ንእግዚኣብሄር   ብመሰንቆ   ኣመስግንዎ፡

ዓሰርተ   ኣውታር   ብዘለዎ   በገና   ዘምሩሉ።

³ሓድሽ   መዝሙር   ዘምሩሉ፡

ብእልልታ   ኣጸቢቕኩም   ቃንዩሉ።

⁴ቃል   እግዚኣብሄር   ቅኑዕ   እዩ   እሞ፡

ተግባሩ   ዅሉውን   እሙን   እዩ።

⁵ጽድቅን   ፍርድን   ይፈቱ፡

ምድሪ   ብሳህሊ   እግዚኣብሄር   መሊኣ   እያ።

     ⁶ሰማያት   ብቓል   እግዚኣብሄር፡

ብዘሎ   ሰራዊቶምውን   ብስትንፋስ   ኣፉ   ተገብሩ።

⁷ንማያት   ባሕሪ   ኸም   ኵልስስቲ   ይዅምሮ፡

ንመዓሙቑ   ኣብ   መዛግብቲ   ይእክቦ።

^8-9ንሱ   በለ፡   ኰነ   ድማ፡

   ንሱ   ኣዘዘ፡ቈመ   ኸኣ   እሞ፡

ምድሪ   ብመላኣ   ንእግዚኣብሄር   ትፍርሃዮ፡

ኣብ   ዓለም   ዝነብሩ   ዅሎም   ብእኡ   ይሸበሩ።

     ¹⁰እግዚኣብሄር   ንምኽሪ   ኣህዛብ   ከንቱ   ይገብሮ፡

ንሓሳባት   ህዝብታት   የጥፍኦ።

¹¹ምኽሪ   እግዚኣብሄር   ንዘለኣለም   እዩ፡

ሓሳባት   ልቡውን   ካብ   ወለዶ   ንወለዶ   ይቐውም።

¹²እግዚኣብሄር   ዝኣምላኹ   ህዝቢ፡

እቲ   ንርስቱ   ዝሓረዮ   ህዝቢ   ብጹእ   እዩ።

     ¹³እግዚኣብሄር   ካብ   ሰማያት   የማዕዱ፡

ንዅሎም   ደቂ   ሰብ   ይጥምቶም፡

^14-15እቲ   ልቢ   ዅላቶም   ዝሰርሕ፡

ተግባር   ኵላቶም   ከኣ   ዘስተብህልሲ፡

ንሱ   ነቶም   ኣብ   ምድሪ   ዝነብሩ   ዅሎም

ካብ   ቦታ   ማሕደሩ   ይምልከቶም   እዩ።

¹⁶ንጉስ   ብምብዛሕ   ሰራዊቱ   ኣይድሕንን፡

ጅግና   ብዓብዪ   ሓይሉ   ኣይናገፍን።

¹⁷ፈረስ   ንምድሓን   ከንቱ   እዩ፡

ብዓብዪ   ሓይሉ   ኣየናግፍን።

^18-19እንሆ፡   ንነፍሶም   ካብ   ሞት   ከተናግፋ፡

ብዘመን   ጥሜትውን   ብህይወት   ከተንብሮም፡

ዓይኒ   እግዚኣብሄር   ናብቶም   ዝፈርህዎ፡

ናብቶም   ብምሕረቱ   ተስፋ   ዝገብሩ   እያ።

     ²⁰ነፍስና   ንእግዚኣብሄር   ትጽበዮ፡

ሓገዝናን   ዋልታናን   ንሱ   እዩ።

²¹ኣብ   ቅዱስ   ስሙ   ኣዕቁብና   ኢና   እሞ፡

ልብና   ብእኡ   ይሕጐስ   ኣሎ።

²²ዎ   እግዚኣብሄር፡   ከምቲ   ብኣኻ   ተስፋ   ዝገበርናዮ፡

ጸጋኻ   ኣብ   ልዕሌና   ይኹን።

ዝ/መዛ.   ብ/ኪ   ሓ/ኪ

        መበል 34 መዝሙር።            

ናይ   ዳዊት፡   ኣብ   ቅድሚ   ኣቢሜሌክ   ዕቡድ   ምስ   መሰለ   ተሰጒጉ   ኸደ።

     ¹ንእግዚኣብሄር   ኵሉ   ግዜ   እባርኾ፡

ውዳሴኡ   ንሓዋሩ   ኣብ   ኣፈይ   እዩ።

²ነፍሰይ   ብእግዚኣብሄር   ክትሕበን   እያ፡

ትሑታት   እዚ   ሰሚዖም   ክሕጐሱ   እዮም።

³ንእግዚኣብሄር   ምሳይ   ኣዕብይዎ፡

ንስሙ   ሓቢርና   ልዕል   ነብሎ።

     ⁴ንእግዚኣብሄር   ደሌኽዎ፡   ንሱውን   መለሰለይ፡

ካብ   ኵሉ   ፍርሃተይ   ኣናገፈኒ።

⁵ናብኡ   ዝጥምቱ   የንጸባርቑ፡   ገጾምውን   ከቶ   ኣይሓፍርን።

⁶እዚ   መስኪን   እዚ   ኣእወየ፡   እግዚኣብሄርውን   ሰምዖ፡

ካብ   ኵሉ   ጸበባኡ   ኣድሓኖ።

     ⁷መልኣኽ   እግዚኣብሄር   ኣብ   ዙርያ   እቶም   ዝፈርህዎ   ይሰፍር  

የናግፎም   ከኣ   እዩ።

⁸እግዚኣብሄር   ሰናይ   ምዃኑ   ጥዓሙን   ርአዩን፡

ኣብኡ   ዝውከል   ሰብ   ብጹእ   እዩ። 

⁹ነቶም   ዝፈርህዎ   ገለ   ኣይጐድሎምን   እዩ   እሞ፡

ኣቱም   ቅዱሳኑ፡   ንእግዚኣብሄር   ፍርህዎ።

¹⁰ኰራኵር   ኣናብስ   ይስእኑን   ይጠምዩን፡

ንእግዚኣብሄር   ዝደልይዎ   ግና   ሰናይ   ዘበለ   ከቶ   ኣይጐድሎምን።

     ¹¹ደቀየ፡   ፍርሃት   እግዚኣብሄር   ክምህረኩምሲ፡

ንዑ   ስምዑኒ።

¹²ህይወት   ዝፈቱ፡

ጽቡቕ   መዓልትታት   ክርኢ   ዝደሊ   ሰብ   መን   ኣሎ፧

¹³መልሓስካ   ኻብ   እከይ፡

ከናፍርካውን   ካብ   ምዝራብ   ጥልመት   ሓሉ፡

¹⁴ካብ   እከይ   ርሓቕ፡   ሰናይ   ከኣ   ግበር፡

ንሰላም   ድለያ   ስዓባውን።

     ¹⁵ኣዒንቲ   እግዚኣብሄር   ናብ   ጻድቃን፡

ኣእዛኑ   ኸኣ   ናብ   ኣውያቶም   እየን።

¹⁶ንመዘከርታኦም   ካብ   ምድሪ   ምእንቲ   ኸጥፍኦስ፡

ገጽ   እግዚኣብሄር   ናብቶም   ገበርቲ   እከይ   እዩ።

¹⁷ጻድቃን   የእውዩ፡   እግዚኣብሄር   ድማ   ይሰምዖም፡

ካብ   ኵሉ   መከራኦምውን   የናግፎም።

     ¹⁸እግዚኣብሄር   ነቶም   ስቡር   ልቢ   ዘለዎም   ቀረባኦም   እዩ፡

ነቶም   ቅጥቁጥ   መንፈስ   ዘለዎም   ድማ   የድሕኖም።

¹⁹ናይ   ጻድቕ   መከራ   ብዙሕ   እዩ፡

እግዚኣብሄር   ግና   ካብ   ኵሉ   የናግፎ።

²⁰ንሱ   ንዅለን   ኣዕጽምቱ   ይባልሀን፡

ሓንቲ   እኳ   ኣይትስበርን።

     ²¹ክፍኣት   ንረሲእ   ይቐትሎ፡

ንጻድቕ   ዝጸልኡ   ኸኣ   ክዅነኑ   እዮም።

²²እግዚኣብሄር   ንነፍሲ   ባሮቱ   ይብጀወን፡

ካብቶም   ኣብኡ   ዘዕቁቡ   ኸኣ   ሓደ   እኳ   ኣይኵነንን   እዩ።

ዝ/መዛ.   ብ/ኪ   ሓ/ኪ

        መበል 35 መዝሙር።            

ናይ   ዳዊት።

     ¹ዎ   እግዚኣብሄር፡   ነቶም   ዝበኣሱኒ   ተብኣሶም፡

ነቶም   ዝዋግኡኒ   ውግኣዮም።

²ዋልታን   ገለብን   ሓዝ   እሞ፡   ንምርዳአይ   ተንስእ። 

³ኵናት   ኣምበጥብጥ፡   መገዲ   ሰጐጕተይውን   ዕጾ፡

ንነፍሰይ፡   ምድሓንኪ   ኣነ   እየ፡   በላ። 

⁴ንነፍሰይ   ዝደልይዋ   ይሕፈሩን   ይነውሩን፡

ጥፍኣተይ   ዝሓስቡ   ንድሕሪት   ይመለሱን   ይሕፈሩን። 

⁵ከምቲ   ኣብ   ቅድሚ   ንፋስ   ዘሎ   ብቝቡቝ   ይኹኑ፡

መልኣኽ   እግዚኣብሄር   ከኣ   የባርሮም። 

^6-7ብዘይ   ምኽንያት   መፈንጠራኦም   ብሕቡእ   ዘርጊሖምለይ፡

ብዘይ   ምኽንያት   ንነፍሰይ  

ጕድጓድ   ኵዒቶምላ   እዮም   እሞ፡

መገዶም   ጸልማትን   መንደልህጾን   ትኹን፡

መልኣኽ   እግዚኣብሄር   ድማ   ይስጐጎም።

 ⁸ብድንገት   ጥፍኣት   ይምጽኣዮ፡

እታ   ዝሰወራ   መፈንጠራኡ   ትሓዞ፡

ንጥፍኣቱ   ናብኣ   ይውደቕ። 

     ⁹ነፍሰይ   ግና   ብእግዚኣብሄር   ባህ   ክብላ፡

ብምድሓኑውን   ክትሕጐስ   እያ። 

¹⁰ኣዕጽምተይ   ኵለን፡   ዎ   እግዚኣብሄር፡

ንስኻ   ንመስኪን   ካብቲ   ዝሕይሎ፡

ንመስኪንን   ድኻን   ካብቲ   ዝብዝብዞ   ዘናግፍ፡

ንኣኻ   ዝመስልከ   መን   ኣሎ፧   ክብላ   እየን። 

     ¹¹ሓሰውቲ   ምስክር   ተንሲኦም፡

ዘይፈለጥክዎ   ነገር   ይሓቱኒ፡ 

¹²ኣብ   ክንዲ   ሰናይ   እከይ   ይፈድዮኒ፡

ነፍሰይ   ዘኽቲማ   ኣላ።

 ¹³ኣነስ፡   እንተ   ሓመሙ፡   ከሊ   ተኸደንኩ፡

ንነፍሰይ   ብጾም   ቀጻዕክዋ፡   ርእሰይ   ኣድኒነ   ጸሌኹ። 

¹⁴ፈታውየይን   ሓወይን   ከም   ዝነበረ   ገይረ   ተመላለስኩ፡

ብወላዲቱ   ኸም   ዝበኪ   ደኒነ   ሓዘንኩ። 

     ¹⁵እንተ   ሓንከስኩ   ግና፡   ሓቢሮም   ባህ   በሎም፡

ክፉኣት   ሓበሩለይ፡   ኣይፈለጥኩን   ከኣ፡

ቀደዱኒ   ኣይሓደጉንንውን፡ 

¹⁶ምስቶም   ግቡዛት   ዋዘኛታት   ኰይኖም፡

ኣስናኖም   ሓርቀሙለይ። 

¹⁷ጐይታየ፡   ክሳዕ   መኣዝከ   ነዚ   ኽትጥምቶ   ኢኻ፧

ንነፍሰይ   ካብ   ጥፍኣቶም፡

ነታ   ቐንደይ   ካብ   ኣናብስ   ኣናግፋ። 

¹⁸ኣብ   ዓብዪ   ማሕበር   አመስግነካ፡

ኣብ   ማእከል   ብዙሓት   ህዝቢ   እውድሰካ።

     ¹⁹ነቶም   ብኸምኡ   ዝጻረሩኒ   ብኣይ   ኣይተሐጕሶም፡

እቶም   ብዘይ   ምኽንያት   ዝጸልኡኒውን  

በዒንቶም   ኣይጣቐሱለይ። 

²⁰ሰላም   ኣይዛረቡን   እዮም   እሞ፡

ነቶም   ርጉኣት   እታ   ሃገርሲ  

ጥልመት   ይምህዙሎም   ኣለዉ።

²¹ኣፎም   ናባይ   ሃህ   ኣቢሎም፡

ኣሰይ   ኣሰይ፡   ዓይንና   ረአየቶ፡   ይብሉ   ኣለዉ። 

     ²²ዎ   እግዚኣብሄር፡   ርኢኻዮ   ስቕ   ኣይትበል፡

ጐይታየ፡   ካባይ   ኣይትርሓቕ።

 ²³ዎ   ኣምላኸይ   ጐይታይውን፡   ንመሰለይ   ንቓሕ፡

ንነገረይ   ድማ   ተንስእ። 

²⁴ዎ   እግዚኣብሄር፡   ኣምላኸይ፡

ከም   ጽድቅኻ   በይነለይ፡   ብኣይ   ድማ   ኣይተሐጕሶም። 

²⁵ብልቦም፡   ኣሰይ፡   ድሌትና   ዀነ፡   ኣይበሉ፡

ወሓጥናዮ፡   ኣይበሉ።

 ²⁶ነቶም   ብጸገመይ   ዝሕጐሱ   ዅሎም  

ኣሕቢርካ   ኣሕፍሮምን   ኣነውሮምን፡

እቶም   ዝዕበዩለይ   ውርደትን   ነውርን   ይልበሱ።

     ²⁷እቶም   ንጽድቀይ   ዝፈትዉ

እልል   ይበሉን   ይተሓጐሱን፡ኵሉ   ግዜውን፡

ናይ   ባርያኡ   ሰላም   ዝፈቱ   ጐይታ   ዓብዪ   እዩ፡   ይበሉ። 

²⁸መልሓሰይ   ድማ   ጽድቅኻ፡

ምሉእ   መዓልቲውን   ምስጋናኻ   ኽትነግር   እያ።

ዝ/መዛ.   ብ/ኪ   ሓ/ኪ

        መበል 36 መዝሙር።            

ንሊቀ   መዘምራን፡   ናይ   ዳዊት፡   ባርያ   እግዚኣብሄር፡መዝሙር።

     ¹ረሲእ   ብውሽጢ   ልቡ   ኽፍኣት   ይዛረብ፡

ኣብ   ቅድሚ   ኣዒንቱ   ፍርሃት   እግዚኣብሄር   የልቦን። 

²ሓጢኣቱ   ኸም   ዘይርከብን   ዘይጽላእንሲ፡

በዒንቱ   ንርእሱ   ይጥብራ   እዩ   እሞ፡

³ቃላት   ኣፉ   እከይን   ጥልመትን   እዩ፡

ጠቢብ   ምዃንን   ሰናይ   ምግባርን   ሓዲጉ። 

⁴ኣብ   ምድቃሱ   ኽፍኣት   ይፍሕስ፡

ኣብ   ዘይጽብቕቲ   መገዲ   ይቐውም፡

ንእከይ   ኣይጽየፎን   እዩ። 

⁵ዎ   እግዚኣብሄር፡   ሳህልኻ   ኽሳዕ   ሰማያት፡

እምንነትካውን   ክሳዕ   ደበናታት   ይበጽሕ። 

⁶ጽድቅኻ   ኸም   ኣኽራን   ኣምላኽ   እዩ፡

ፍርድታትካ   ገፊሕ   መዓሙቝ   እዩ።  

ጐይታየ፡   ንሰብን   እንስሳን   ትባልሆም   ኢኻ። 

⁷ዎ   ኣምላኽ፡   ሳህልኻ   ኽንደይ   ክቡር   እዩ፡

ደቂ   ሰብ   ከኣ   ኣብ   ትሕቲ   ጽላል   ኣኽናፍካ   ይጽግዑ። 

⁸ብስብሒ   ቤትካ   ይጸግቡ፡

ካብ   ወሓዚ   ባህታኻውን   ተስትዮም። 

⁹ናይ   ህይወት   ፈልፋሊ   ኣባኻ   እዩ   እሞ፡

ብብርሃንካ   ብርሃን   ንርኢ   ኣሎና። 

¹⁰ሳህልኻ   ነቶም   ዝፈልጡኻ፡

ጽድቅኻውን   ንቕኑዓት   ልቢ   ወስኽ። 

¹¹እግሪ   ዕቡይ   ኣይምጽኣኒ፡

ኢድ   ረሲኣን   ኣይትስጐገኒ። 

¹²እንሆ፡   እቶም   ገበርቲ   እከይ   ኣብኣ   ወደቑ።  

ተፈገሙ፡   ክትንስኡ   ኸኣ   ኣይክእሉን   እዮም።

ዝ/መዛ.   ብ/ኪ   ሓ/ኪ

        መበል 37 መዝሙር።            

ናይ   ዳዊት   ።

     ^1-2ከም   ሳዕሪ   ቐልጢፎም   ክዕጸዱ፡

ከም   ልምሉም   ቈጽሊ   ኸኣ   ክጽምልዉ   እዮም   እሞ፡

በቶም   ገበርቲ   እከይ   ኣይትዀሪ፡

በቶም   ዓመጽቲውን   ኣይትቕናእ። 

³ብእግዚኣብሄር   ተማዕቈብ፡

ሰናይ   ድማ   ግበር   ኣብታ   ሃገር   ተቐመጥ፡

እምነት   ከኣ   ድለ። 

⁴ብእግዚኣብሄርውን   ተሓጐስ፡

ልብኻ   ዝደልዮ   ንሱ   ኽህበካ   እዩ።

⁵መገድኻ   ንእግዚኣብሄር   ኣማዕቍቦ፡

ኣብኡ   ተወከል፡   ንሱውን   ከስልጠልካ   እዩ። 

⁶ንሱ   ንጽድቅኻ   ኸም   ብርሃን፡

ንፍርድኻውን   ከም   ቀትሪ   ኸውጽኦ   እዩ። 

     ⁷ንእግዚኣብሄር   ሃዲእካ   ተጸበዮ፡

በቲ   ብመገዱ   ዝሰልጠሉ፡

በቲ   ሕሱም   ሃቐና   ዝፍጽም   ሰብ   ኣይትዀሪ። 

^8-9እኩያት   ክጸንቱ   እዮም፡

ንእግዚኣብሄር   ዝጽበይዎ   ግና  

ንምድሪ   ኽወርስዋ   እዮም   እሞ፡

ኵራ   ግደፍ   ሓርቖትውን   ሕደግ፡   ኣይተንጸርጽር፡

እዝስ   ናብ   እከይ   ጥራይ   እዩ   ዘብጽሕ። 

¹⁰ቅሩብ   ጸኒሑ   እቲ   ረሲእ   የሎን፡

ቦታኡ   ኽትደልዮ   ኢኻ፡   ኣይክህሉን   ድማ   እዩ። 

¹¹ትሑታት   ግና   ንምድሪ   ኽወርስዋ   እዮም፡

ብብዝሒ   ሰላም   ከኣ   ደስ   ክብሎም   እዩ። 

     ¹²ረሲእ   ንጻድቕ   ይፍሕሰሉ፡

ኣስናኑውን   ይሕርቅመሉ። 

¹³እግዚኣብሄር   ዕለቱ   ኸም   እትመጽእ  

ይርኢ   እዩ   እሞ   ይስሕቆ። 

¹⁴ረሲኣንሲ   ንጥቑዕን   ድኻን   ከውድቕዎ፡

ነቶም   ብቕኑዕ   መገዲ   ዝኸዱ   ኸኣ   ክሓርድዎም፡

ሰይፎም   መሰቱ   ቀስቶምውን   ገተሩ።

¹⁵ሰይፎም   ናብ   ልቦም   እዩ   ዝኣቱ፡

ቀስቶምውን   ክስበር   እዩ። 

^16-17ቀላጽም   ረሲኣን   ክስበር   እዩ፡

ንጻድቃን   ግና   እግዚኣብሄር   ይድግፎም   እዩ   እሞ፡

ካብ   ሃብቲ   ብዙሓት   ረሲኣንሲ  

ሒደት   ናይ   ጻድቕ   ይበልጽ። 

     ¹⁸እግዚኣብሄር   ንመዓልትታት   ንጹሃት   ይፈልጠን፡

ርስቶም   ከኣ   ንዘለኣለም   ክነብር   እዩ። 

¹⁹ብኽፉእ   ዘመን   ኣይክሓፍሩን፡

ብመዓልትታት   ጥሜትውን   ክጸግቡ   እዮም። 

²⁰ረሲአን   ግና   ክጠፍኡ   እዮም፡

ጸላእቲ   እግዚኣብሄር   ድማ   ከም   ጌጽ   ሸኻ   እዮም፡

ክበኑ፡   እወ፡   ከም   ትኪ   ኽበኑ   እዮም።

      ^21-22እቶም   ብሩኻቱ   ንሃገር   ክወርስዋ፡

እቶም   ንሱ   ዝረግሞም   ግና   ክጸንቱ   እዮም   እሞ፡

ረሲእ   ይልቃሕ   ኣይመልስንውን፡

ጻድቕ   ግና   ርሕሩሕ   እዩ   እሞ   ይህብ። 

²³ስጕምቲ   ሰብ   ብእግዚኣብሄር   ይጸንዕ፡

መገዱ   ኸኣ   ባህ   የብሎ። 

²⁴እግዚኣብሄር   ብኢዱ   ይድግፎ   እዩ   እሞ፡

እንተ   ተዓንቀፈ   እኳ   ፈጺሙ   ኣይክወድቕን   እዩ። 

²⁵ንእሽቶ   ነበርኩ፡   ኣሪገ   ኸኣ   እኔኹ፡

ግናኸ   ጻድቕ   ተሓዲጉን፡

ዘርኡ   እንጌራ   ኽልምኑን   ከቶ   ኣይርኤኹን።

 ²⁶ኵሉ   መዓልቲ   ርሕሩሕ   እዩ   እሞ   የለቅሕ፡

ዘርኡውን   ብሩኽ   እዩ። 

     ^27-28እግዚኣብሄር   ፍርዲ   ይፈቱ፡

ንቕዱሳኑ   ኸኣ   ኣይሓድጎምን፡   ንዘለኣለም   ይሕለዉ፡

ዘርኢ   ረሲኣን   ግና   ይጸንት   እዩ   እሞ፡

ካብ   እከይ   ርሓቕ   ሰናይ   ከኣ   ግበር፡

ንዘለኣለምውን   ክትነብር   ኢኻ። 

²⁹ጻድቃን   ንሃገር   ክወርስዋ፡

ኣብኣውን   ንዘለኣለም   ክነብሩ   እዮም። 

     ³⁰ኣፍ   ጻድቕ   ጥበብ   ይዛረብ፡

ልሳኑ   ኸኣ   ፍርዲ   ይነግር። 

³¹ሕጊ   ኣምላኹ   ኣብ   ልቡ   እዩ፡

ስጕምቱ   ሰንከልከል   ኣይክብልን   እዩ። 

³²ረሲእ   ንጻድቕ   ይጸናተዎ   ክቐትሎምውን   ይደሊ። 

³³እግዚኣብሄር   ኣብ   ኢዱ   ኣይክሓድጎን፡

ክፍረድ   ከሎውን   ኣይክዅንኖን   እዩ። 

     ³⁴ንእግዚኣብሄር   ተጸበዮ   መገዱውን   ሓሉ፡

ንሃገር   ምእንቲ   ኽትወርሳ   ልዕል   ከብለካ   እዩ፡

ረሲኣን   ክጸንቱ   ኸለዉ   ኽትርኢ   ኢኻ። 

³⁵ንረሲእ፡   ከም   ኣብ   ቦታኣ   ኣስፋሕፊሓ  

ዝለምለመት   ኦም፡   ብስልጣኑ   ርኤኽዎ። 

³⁶ምልስ   እንተ   በልኩ   ግና፡   ሰኣንክዎ፡

ደለኽዎ   እሞ   ኣይረኸብክዎን። 

     ³⁷ንፍጹም   ሰብሲ   ጠምቶ፡

እዚ   ሰብ   እዚ   ዳሕራዩ   ሰላም   እዩ   እሞ፡   ነዚ   ቕኑዕ   ርኣዮ። 

³⁸በደልቲ   ግና   ኵላቶም   ክጠፍኡ   እዮም፡

ረሲኣንውን   ዳሕራዮም   ክቑረጽ   እዩ። 

³⁹ምድሓን   ጻድቃን   ግና   ካብ   እግዚኣብሄር   እዩ፡

ንሱ   ብዘመን   ጸገማ   መኸወሊኦም   እዩ። 

⁴⁰እግዚኣብሄር   ይረድኦምን   የናግፎምን፡

ናብኡ   ተጸጊዖም   እዮም   እሞ፡

ካብ   ረሲኣን   የናግፎምን   የድሕኖምን   እዩ።

ዝ/መዛ.   ብ/ኪ   ሓ/ኪ

        መበል 38 መዝሙር።            

መዝሙር   ዳዊት፡   ንመዘከርታ።

     ¹ዎ   እግዚኣብሄር፡   ብዅራኻ   ኣይትገስጸኒ፡

ብነድርኻ   ኣይትቕጸዓኒ። 

²ፍላጻታትካ   ወጊአናኒ   እየን   እሞ፡   ኢድካ   ኸቢዳትኒ   ኣላ።

      ^3-4በደለይ   ንርእሰይ   ተዓዛዚርዎ፡

ከም   ከቢድ   ጾር   ኣዝዩ   ይኸብደኒ   ኣሎ   እሞ፡

ብዅራኻ   ንስጋይ   ጥዕና   የብሉን፡

ብሰሪ   ሓጢኣተይ   ከኣ   ኣዕጽምተይ   ድሕንነት   ስኢኑ   ኣሎ። 

⁵ብሰሪ   ዕሽነተይ፡

ኣቝሳለይ   ይብድብድን   ይመጕልን   ኣሎ። 

⁶ኣነ   ጐበጥኩ   እምብዛውን   ሓጐብኩ፡

ምሉእ   መዓልቲ   ብሓዘን   እነብር   ኣሎኹ። 

⁷ጐነይ   ረስኒ   መሊኡ   እዩ   እሞ፡

ስጋይሲ   ጥዑይ   የብሉን። 

⁸ኣነ   ሰንሰንኩ፡   እምብዛ   ተቐጥቀጥኩ፡

ካብ   ሓዘን   ልበይ   እተላዕለ   እግዕር   ኣሎኹ። 

     ⁹ጐይታየ፡   ኵሉ   ሃረርታይ   ኣብ   ቅድሜኻ   እዩ፡

እህህታይ   ኣይተሰወረካን። 

¹⁰ልበይ   ትርግ   ትርግ   ይብል፡

ሓይለይ   ይጠልመኒ   ኣሎ፡

ብርሃን   ኣዒንተይ   ጠፊኡኒ   እዩ። 

¹¹ፈተውተይን   ኣዕሩኸይን   ካብ   ስቓየይ   ይርሕቁ፡

ኣዝማደይ   ከኣ   ኣብ   ርሑቕ   ደው   ይብሉ   ኣለዉ። 

¹²ንነፍሰይ   ዝደልዩ   ኸኣ   መጻወድያ   የጻውዱለይ፡

ጕድኣተይ   ዝደልዩ   ድማ   ክፉእ   ነገር   ይዛረቡ፡

ምሉእ   መዓልቲውን   ጥልመት   ይሓስቡለይ   ኣለዉ። 

¹³ኣነ   ግና   ከም   ጸማም   ኰይነ   ኣይሰምዕን፡

ኣፉ   ኸም   ዘይከፍት   ዓባስ   ኰንኩ። 

¹⁴እወ፡   ከም   ዘይሰምዕ፡

ብአፉውን   ምላሽ   ዘይብሉ   ሰብአይ   ኰንኩ። 

     ¹⁵ዎ   እግዚኣብሄር፡   ብኣኻ   ተስፋ   እገብር   ኣሎኹ   እሞ፡

ጐይታይ፡   ኣምላኸየ፡   ንስኻ   ኽትመልስ   ኢኻ። 

¹⁶እግረይ   እንተ   ኣንደልሃጸ፡   ከይዕበዩለይ   እሞ፡

ብኣይ   ከይሕጐሱ፡   በልኩ። 

     ¹⁷ኣነ   ንምሕንካስ   ቀሪበ   እየ   እሞ፡

ስቓየይ   ኵሉ   ግዜ   ኣብ   ቅድመይ   እዩ።

¹⁸በደለይ   እናዘዝ   ኣሎኹ   እሞ፡

ብሓጢኣተይ   እጕሂ   ኣሎኹ። 

¹⁹ጸላእተይ   ግና   ህያዋንን   ሓያላትን   እዮም፡

ብዘይ   ምኽንያት   ዝጸልኡኒ   ኸኣ   ብዙሓት   እዮም። 

²⁰ንሰናይ   እስዕቦ   ስለ   ዘሎኹ   ድማ፡

ኣብ   ክንዲ   ሰናይ   እከይ   እናፈደዩ   ይቃወሙኒ   ኣለዉ። 

     ²¹ጐይታይ፡   ኣይትሕደገኒ፡

ኣምላኸይ፡   ካባይ   ኣይትርሓቕ። 

²²ጐይታይ፡   ምድሓነይ፡   ንምርዳአይ   ቀልጥፍ።

ዝ/መዛ.   ብ/ኪ   ሓ/ኪ

        መበል 39 መዝሙር።            

ንሊቀ   መዘምራን፡   ንየዱቱን፡   ናይ   ዳዊት   መዝሙር።

     ¹ብመልሓሰይ   ከይስሕት፡   ንመገድታተይ   ክጥንቀቐለን፡

ረሲእ   ኣብ   ቅድመይ   ከሎ፡

ንአፈይ   ብልጓም   ክገትእ   እየ፡   በልኩ።

²ስቕ   ብምባለይ   ዓባስ   ኰንኩ፡

ካብ   ጽቡቕ   እኳ   ስቕ   በልኩ፡   ቃንዛይ   ከኣ   ገደደ።

     ³ልበይ   ኣብ   ውሽጠይ   ረሰነ፡

ከስተንትን   ከልኹ፡   ሓዊ   ተቓጸለ፡

ብመልሓሰይ   ከኣ   ተዛረብኩ፡

⁴ዎ   እግዚኣብሄር፡   ከመይ   ዝበልኩ  

ሓላፊ   ምዃነይ   ምእንቲ   ኽፈልጥ፡

መወዳእታይን   ልክዕ   መዓልትታተይን  

ክንደይ   ምዃኑ   ኣዘክረኒ።

⁵እንሆ፡   ንመዓልትታተይ   ከም   ምናሕ   ስድሪ   ገበርካየን፡

ዕድመይ   ኣብ   ቅድሜኻስ   ከም   ምናምን   እዩ፡    ሴላ።

ብሓቂ   ዅሉ   ሰብ   ጸኒዑ   እንተ   ቘመ   እኳ፡

ከንቱ   ጥራይ   እዩ። 

     ⁶ብሓቂ   ሰብ   ከም   ጽላሎት   ይመላለስ፡

እወ   ንኸንቱ   እዩ   ዝህወኽ፡   ይድልብ፡

ንመን   ምዃኑውን   ኣይፈልጥን። 

⁷ሕጂኸ   እንታይ   እጽበ   ኣሎኹ፧  

ጎይታየ፡   ተስፋይ   ብኣኻ   እዩ። 

⁸ካብ   ኩሉ   ኣበሳይ   ኣናግፈኒ፡

መላገጽ   ዓያሱ   አይትግበረኒ። 

⁹ንስኻ   ኢኻ   እዚ   ዝገበርካ   እሞ፡

ስቕ   እብል፡   ኣፈይ   ኣይከፍትን። 

¹⁰ብመውቃዕቲ   ኢድካ   እጠፍእ   ኣሎኹ፡

ንመዓትካ   ኻባይ   ኣርሕቆ። 

¹¹ብበደሉ   እናገሰጽካ   ንሰብ   እንተ   ቐጻዕካዮ፡

ንኽብረቱ   ኸም   ብልዒ   ጌርካ   ተጥፍኦ፡

ብሓቂ   ዅሉ   ሰብ   ከንቱ   እዩ። 

¹²ኣብ   ቅድሜኻ   ጋሻ፡

ከም   ኵሎም   ኣቦታተይ   ስደተኛ   እየ   እሞ፡

ዎ   ጐይታይ፡   ጸሎተይ   ስማዕ፡

እዝንኻ   ናብ   ኣውያተይ   ምለስ፡

ብንብዓተይ   ስቕ   ኣይትበል። 

¹³ካብዚ   ኸይከድኩ፡

ህልውናይ   ከይጠፍአ   ኽቐስንሲ፡   ሕደገኒ።

ዝ/መዛ.   ብ/ኪ   ሓ/ኪ

        መበል 40 መዝሙር።            

ንሊቀ   መዘምራን፡   ናይ   ዳዊት   መዝሙር።

     ¹ንእግዚኣብሄር   ተዓጊሰ   ተጸበኽዎ፡

ንሱውን   ናባይ   ደኒኑ   ኣውያተይ   ሰምዐ። 

²ካብ   ጕድጓድ   ጥፍኣት   ከኣ፡

ካብቲ   ረግረግ   ጸብሪ   ኣውጽአኒ፡

ኣእጋረይ   ኣብ   ከውሒ   ኣቑሙ፡

ንስጉምተይ   ኣጽንዖ። 

³ሓድሽ   መዝሙር   ምስጋና  

ንኣምላኽና   ኣብ   ኣፈይ   ኣንበረ።  

ብዙሓት   እዚ   ርእዮም   ክፈርሁ፡

ናብ   እግዚኣብሄርውን   ክውከሉ   እዮም። 

⁴እቲ   ንእግዚኣብሄር   እምንቶኡ   ዝገብሮ፡

ናብቶም   ዕቡያትን   ናብ   ሓሶት   ዘግልሱን  

ዘየብል   ሰብ   ብጹእ   እዩ። 

⁵ጐይታይ፡   ኣምላኸየ፡   ተኣምራትካን  

ንኣና   ዝሓሰብካዮ   ሓሳባትካን   ብዙሕ   እዩ፡

ንኣኻ   ዝመስል   ከቶ   የልቦን።  

ክነግረሉን   ክዛረበሉን   እንተ   ደለኹስ፡

ምቝጻሩ   ዘይከኣል   ብዙሕ   እዩ። 

⁶ንመስዋእትን   መባእን   ባህጉ   የብልካን፡

ኣእዛነይ   ከፈትካለይ፡

መስዋእቲ   ምሕራርን   መስዋእቲ   ሓጢኣትን  

ኣይትደልን   ኢኻ። 

     ^7-8ሽዑ፡   እኔኹ   መጻእኩ፡

ኣብቲ   ጥቕሉል   መጽሓፍ   ስለይ   ተጽሒፉ   ኣሎ።  

ኣምላኸየ፡   ፍቓድካ   ንምግባር   ባህጊ   ኣሎኒ፡

ሕግኻውን   ኣብ   ውሽጢ   ልበይ   እዩ፡   በልኩ። 

⁹ጽድቅኻ   ኣብታ   ዓባይ   ማሕበር   ኣበሰርኩ፡

እንሆ፡   ከናፍረይ   ኣይዓጾኹን፡

ጐይታየ፡   ንስኻ   ትፈልጥ   ኣሎኻ። 

¹⁰ንጽድቅኻ   ኣብ   ውሽጢ   ልበይ   ኣይሓባእክዎን፡

እሙን   ምዃንካን   ምድሓንካን   ነገርኩ፡

ሳህልኻን   ሓቅኻን   ነታ   ዓባይ   ማሕበር   ኣይሓባእኩን። 

     ¹¹ጐይታየ፡   ንስኻ   ምሕረትካ   ኣይትኽልኣኒ፡

ሳህልኻን   ሓቅኻን   ኣዘውቲረን   ይሓልዋኒ። 

¹²ቁጽሪ   ዘይብሉ   መከራ   ኸቢቡኒ፡

ምርኣይ   ክሳዕ   ዝስእን፡   በደለይ   ኣርኪቡኒ፡

ካብ   ጸጕሪ   ርእሰይ   በዚሑ   እዩ   እሞ፡

ልበይ   ጠሊሙኒ   እኔኹ። 

¹³ዎ   እግዚኣብሄር፡   ንምንጋፈይ   ስመር፡

ጐይታየ፡   ንምርደኣይ   ቀልጥፍ። 

¹⁴ንነፍሰይ   ከጥፍእዋ   ዝደልዩ   ዅሎም  

ሓቢሮም   ይሕፈሩን   ይነውሩን።  

እቶም   ብመከራይ   ዝሕጐሱ  

ንድሕሪት   ይመለሱን   ይሕፈሩን። 

¹⁵እቶም፡   እሰይ   እሰይ፡   ዝብሉኒ  

ብሰሪ   ነውሮም   ይሰምብዱ። 

     ¹⁶ንኣኻ   ዝደልዩ   ዅሎም   ይተሓጐሱ፡

ብኣኻውን   ባህ   ይበሎም።  

ምድሓንካ   ዘፍቅሩ   ዘበሉ፡

ከየብኰሩ፡   እግዚኣብሄር   ዓብዪ   እዩ፡   ይበሉ። 

¹⁷ኣነስ   ሽጉርን   መስኪንን   እየ፡

እግዚኣብሄር   ግና   ይሓልየለይ   ኣሎ።  

ረዳእየይን   መናገፍየይን   ንስኻ   ኢኻ፡

ኣምላኸየ፡   ኣይትደንጒ።

ዝ/መዛ.   ብ/ኪ   ሓ/ኪ

        መበል 41 መዝሙር።            

ንሊቀ   መዘምራን፡   ናይ   ዳዊት   መዝሙር።

     ¹ንድኻ   ዝሓልየሉ   ብጹእ   እዩ፡

እግዚኣብሄር   ብመዓልቲ   መከራ   የናግፎ። 

²እግዚኣብሄር   ይሕልዎ   ብህይወትውን   የንብሮ።  

ንሱ   ኣብ   ምድሪ   ብጹእ   ይኸውን።  

ናብ   ፍቓድ   ጸላእቱ   ኣይተሕልፎን   ኢኻ። 

³ኣብ   መደቀሲ   ድናሴኡ   ኸሎ፡   እግዚኣብሄር   ይድግፎ።  

ንስኻ   ብሕማሙ   ንብዘላ   ዓራቱ   ተንጽፈሉ። 

     ⁴ጐይታየ፡   በዲለካ   እየ   እሞ፡   ምሓረኒ

ንነፍሰይ   ኣሕውያ፡   በልኩ። 

⁵ጸላእተይ፡   መኣዝ   ኰን   ክመውት፧  

መአዝሲ   ስሙ   ኽጠፍእ   እዩ፧  

ኢሎም   ብኣይ   ክፉእ   ይዛረቡ   ኣለዉ።

 ⁶ሓደ   እንተ   በጽሓኒ፡   ብልግሚ   ይዛረብ፡

ኣብ   ልቡ   ኽፍኣት   ይእክብ፡   ምስ   ወጸ   ይዛረቦ። 

^7-8ኵሎም   ጸላእተይ   ብኣይ   ንሓድሕዶም   የሕሸዅሽኹ፡

ግብሪ   እከይ   ጠቢቕዎ   ኣሎ፡   በጥ   ኢሉ   እዩ   እሞ፡

ከቶ   ኣይክትንስእን   እዩ፡

እናበሉ   ብኣይ   ክፉእ   ይምህዙ   ኣለዉ። 

⁹እወ፡   እቲ   ዝእመኖ፡

እንጌራይ   ዝበልዐ   ፈታውየይ   እኳ   ሸዀናኡ   ኣልዓለለይ። 

     ¹⁰ንስኻ   ግና፡   ጐይታየ፡   ምሓረኒ፡

ክፈድዮም   ከኣ   ኣተንስአኒ። 

¹¹ጸላእተይ   እንተ   ዘይተዓወተለይ፡

በዚ   ንስኻ   ኸም   ዝበሃግካኒ   እፈልጥ   ኣሎኹ። 

¹²ንኣይሲ   ብንጽህናይ   ትድግፈኒ፡

ኣብ   ቅድሚ   ገጽካ   ኸኣ   ንዘለኣለም   ተንብረኒ   ኣሎኻ። 

¹³እግዚኣብሄር፡   ኣምላኽ   እስራኤል፡ ካብ   ዘለኣለም   ንዘለኣለም   ይባረኽ።   ኣሜን፡   ኣሜን።